Fréttir

Kattahland og skítur á gólfum og upp eftir veggjum

Leigusala er heimilt að ganga á tryggingafé leigjanda síns eftir að köttur hans pissaði og skeit um alla íbúð með þeim afleiðingum að gólfefni eyðilagðist. Óháður matsmaður sagði eftir skoðun að kattahland og kattaskítur væru á gólfum og upp eftir veggjum.

Innlent 28.10.2026 06:30

Meiri­hluti at­kvæða talinn en enginn með þing­meiri­hluta

Búið er að telja um meirihluta atkvæða í þingkosningunum sem fóru fram í Ísrael í gær. Á vef ísraelska miðilsins Haaretz kemur fram að Netanahjú og hans fylking séu með um 55 sæti af 120 og stjórnarandstaðan með 64 samanlagt. Fylking Eisenkot er samkvæmt Haaretz með 49 sæti og Arabaflokkar með 16.

Erlent 28.10.2026 06:30

Af­kom­endur síðasta böðuls á Ís­landi búa enn á Illuga­stöðum

Afkomendur síðasta böðulsins á Íslandi búa enn á Illugastöðum á Vatnsnesi, á jörðinni þar sem morðin voru framin sem leiddu til þess að þau Friðrik Sigurðsson og Agnes Magnúsdóttir voru hálshöggvin á Þrístöpum í Vatnsdalshólum árið 1830. Þetta var síðasta aftaka sem fram fór á Íslandi.

Innlent 28.10.2026 06:00

Tekur við Bolsonaro opnum örmum

Brasilíski öldungadeildarþingmaðurinn Flávio Bolsonaro er sagður hafa flúið land til Bandaríkjanna í kjölfar þess að neita að viðurkenna ósigur sinn í forsetakosningum. Bandaríkjaforseti ætlar að veita Bolsonoro og fjölskyldu hans vegabréfsáritanir er brasilísk stjórnvöld hafa fellt vegabréf hans úr gildi, segir í umfjöllun bandarískra miðla.

Erlent 27.10.2026 23:32

Munda fall­byssurnar við landa­mærin

Norðurkóreskir hermenn hafa komið fyrir fallbyssum við landamærin milli Norður- og Suður-Kóreu. Stórskotaliðsvopnin eru bersýnileg yfir landamærin og er beint til suðurs. Spennan á landamærunum hefur aukist töluvert á undanförnum vikum og með þessu eru ráðamenn í Norður-Kóreu sagðir vilja senda skilaboð til ráðamanna í Seoul.

Erlent 27.10.2026 23:13

Haft á­hrif með því að „standa í lappirnar gagn­vart tæknirisunum“

Ný yfirlýsing sem snýr að áhrifum nýrrar tækni á börn og ungmenni var undirrituð á fundi forsætisráðherra Norðurlanda í dag, þann 27. október, sem er í tengslum við árlegt þing Norðurlandaráðs sem fram fer í Helsinki þessa dagana. Kristrún Frostadóttir segir jákvætt að þjóðirnar, sem hafi oft verið frumkvöðlar þegar kemur að velferðarmálum, taki höndum saman um að bjóða tæknirisum birginn.

Innlent 27.10.2026 22:02

Hildi og Inga Þór sagt upp

Hildur Lillendahl Viggósdóttir verkefnastjóri er ein þeirra sem var sagt upp hjá Reykjavíkurborg í dag eftir átján ár í starfi. Þá var Inga Þór Jónssyni, verkefnastjóra á skrifstofu menningarborgar, einnig sagt upp störfum. 

Innlent 27.10.2026 21:54

„Skorið niður til þess eins að skera niður“

Borgarfulltrúar minnihlutans í Reykjavík gagnrýna harðlega hagræðingaraðgerðir og uppsagnir meirihlutans. Þeir saka meirihlutann um vanþekkingu, óvönduð vinnubrögð, skort á pólitískri forystu og að blekkja borgarbúa. Niðurskurðurinn sé til þess eins að haka við verkefni á verkefnalista. 

Innlent 27.10.2026 20:48

Enginn skýr sigur­vegari í útgönguspám

Metfjöldi Ísraela gekk að kjörborðinu í dag en reiknað var með því að ríflega sjö milljónir manns greiddu atkvæði. Miðað við fyrstu útgönguspár mun hvorki fylking Benjamíns Netanjahú forsætisráðherra né stjórnarandstaðan ná þeim 61 þingsætum sem þarf til að mynda meirihluta á ísraelska þinginu, Knesset, sem telur 120 þingsæti.

Erlent 27.10.2026 20:21

Engar vís­bendingar fundist en form­legri leit lokið

Leitinni að líkamsleifum Lúðvíks Péturssonar sem féll í sprungu í Grindavík árið 2024 er formlega lokið. Engar vísbendingar hafi fundist sem varpað gætu ljósi á hvar jarðneskar leifar Lúðvíks sé að finna. Ekki verði ráðist í frekari leitaraðgerðir.

Innlent 27.10.2026 19:12

Sveinn R. Eyjólfs­son er látinn

Sveinn R. Eyjólfsson, fyrrverandi blaðaútgefandi og einn stofnenda Vísis, Dagblaðsins, DV og Fréttablaðsins, er látinn. Hann var 88 ára. Sveinn lést laugardaginn 24. október á Landspítalanum við Hringbraut eftir skammvinn veikindi.

Innlent 27.10.2026 18:59

Féll úr stiga í vinnunni og hlaut höfuð­högg

Lögreglan á stöð eitt fékk tilkynningu í dag vegna vinnuslyss í hverfi 102 þar sem kona féll úr stiga og hlaut höfuðhögg. Hún var flutt með sjúkrabíl á bráðamóttökuna til athugunar en ekki liggja frekari upplýsingar fyrir um líðan hennar að svo stöddu.

Innlent 27.10.2026 18:12

„Ég geri ekki at­huga­semd við það að þetta sím­tal hafi átt sér stað“

Kristrún Frostadóttir segist ekki gera athugasemd við að starfsbræður hennar í Noregi og í Finnlandi hafi rætt símleiðis við Vladimír Pútín Rússlandsforseta í morgun. Hún viti í grófum dráttum hvað kom fram í símtalinu og að lykilatriðið sé að samtalið sé átt á forsendum Úkraínumanna og með vitund og vilja Úkraínuforseta.

Innlent 27.10.2026 18:06

Ekkert bendi til þess að eldgosahrinunni sé að ljúka

Landris mælist áfram á stöðugum hraða við Svartsengi en jarðskjálftavirkni á Sundhnúksgígaröðinni er áfram lítil. Kvikuhlaup sem gæti leitt til eldgoss er áfram líklegasta sviðsmyndin. Engin gögn benda til þess að eldgosahrinunni á Sundhnúksgígaröðinni sé að ljúka.

Innlent 27.10.2026 17:44

„Galin vinnu­brögð“

Formaður Sameykis lýsir uppsagnarhrinu dagsins hjá Reykjavíkurborg sem áfalli. Hann segir fólk enn bíða skýringa á síðustu uppsögnum og telur vinnubrögð meirihlutans galin.

Innlent 27.10.2026 17:19

Þyrlan kölluð til: Maðurinn fannst heill á húfi

Þyrla Landhelgisgæslunnar, lögreglan á Suðurlandi og björgunarsveitir sinntu aðgerðum við Ölfusá vegna gruns um að maður hafi fallið í ána. Eftirgrennslan leiddi í ljós að maðurinn hefði ekki fallið í ána. 

Innlent 27.10.2026 17:08

„Hrika­legt högg“

Forstjóri Vinnumálastofnunar segir að Reykjavík verði að svara fyrir hópuppsagnir sem tilkynnt var um hjá borginni í morgun. Starfsmenn eigi væntanlega inni uppsagnarfrest og geti síðan leitað til Vinnumálastofnunar ef þörf krefur.

Innlent 27.10.2026 16:11

Engin á­stæða til að hamla för Portúgalsfarans lengur

Lögreglan á höfuðborgarsvæðinu fór ekki fram á áframhaldandi farbann yfir manni sem handtekinn var í tengslum við umfangsmikla rannsókn á meintum fíkniefnabrotum og peningaþvætti. Ekki var talin ástæða til að meina honum að fara af landi brott en hann er búsettur í Portúgal.

Innlent 27.10.2026 16:11

„Fyrst og fremst erfitt“

Hildur Björnsdóttir borgarstjóri segir að uppsögnum í miðlægri stjórnsýslu borgarinnar sé lokið, eftir að stöðugildum þar var fækkað um 74 í dag. Mikið verk sé þó áfram fyrir höndum við hagræðingar í rekstri borgarinnar.

Innlent 27.10.2026 15:46

Hildur svaraði fyrir upp­sagnirnar

Hildur Björnsdóttir, borgarstjóri Reykjavíkurborgar, ræddi við fréttastofu í beinni útsendingu í ráðhúsi Reykjavíkur um uppsagnir og hagræðingar dagsins. Formaður Sameykis ræddi einnig málið og var ekki sáttur með meint samráð.

Innlent 27.10.2026 14:52

Nota rústa­mynda­vél við leit að Lúð­vík

Formleg leit að Lúðvík Péturssyni, sem féll í sprungu í Grindavík þann 24. janúar 2024, hófst í morgun. Fyrstu sigmennirnir sigu niður í sprunguna á tólfta tímanum en meðal annars verður notast við myndavélabúnað frá rústabjörgunarsveitinni til að kanna aðstæður.

Innlent 27.10.2026 14:42