Lögreglumál

Lögreglumál

Fréttir af verkefnum lögreglunnar á Íslandi.

Fréttir í tímaröð

Fréttamynd

Ó­virk um­ferðar­ljós valda töfum

Umferðarljós á gatnamótum Breiðholtsbrautar og Nýbýlavegar, á og við brúnna yfir Reykjanesbraut, eru óvirk og óvíst hversu lengi viðgerð mun standa yfir. Sama gildir um umferðarljósin á gatnamótum Nýbýlavegar, Dalvegar og Skemmuvegar.

Innlent
Fréttamynd

Höfum setið eftir í bar­áttu við glæpa­hópa

Lögregla fengi meira svigrúm til að rannsaka skipulagða brotahópa samkvæmt nýjum frumvarpsdrögum dómsmálaráðherra. Meðal annars yrði auðveldara að leita í símum, leggja hald á eignir og hefja símhlustun þegar hætta er á að mikilvæg gögn glatist. Karl Steinar Valsson yfirlögregluþjónn segir núverandi lög ekki passa við það hvernig brotahópar starfa í dag.

Innlent
Fréttamynd

Þjófnaður í þremur verslunum

Tilkynnt var um þjófnað í verslun á þremur stöðum á höfuðborgarsvæðinu frá klukkan 17 til 5 í morgun. Í dagbók lögreglu kemur fram að lögreglumenn á þremur stöðvum, 1, 3 og 4, hafi verið tilkynnt um þjófnað í verslun. Í öllum tilvikum var málið leyst með vettvangskýrslu.

Innlent
Fréttamynd

Sex svín drápust eftir annað inn­brot

Svínum Stjörnugríss var sleppt út í Saltvík og var lögregla kölluð út að staðnum í morgun. Fimm smágrísir drápust og ein gylta fótbrotnaði svo þurfti að aflífa hana, auk þess sem fjölmörg dýr eru særð og með áverka. Verksummerki eru með svipuðum hætti og síðast þegar brotist var inn hjá Stjörnugrís og dýrum sleppt í maí síðastliðnum.

Innlent
Fréttamynd

Stúlkan frá Ír­landi en bú­sett hér á landi

Tæplega nítján ára stúlka sem lést í bílslysi á Krýsuvíkurvegi aðfaranótt mánudags var frá Írlandi en búsett hér á landi þar sem hún undi hag sínum vel. Talið er að bíllinn hafi verið á yfir tvö hundruð kílómetra hraða áður en slysið varð.

Innlent
Fréttamynd

Einn grunaður um í­kveikju á Center Hotel Skjald­breið

Einn er grunaður um íkveikju á Center Hotel Skjaldbreið á Laugarvegi 16 í nótt. Guðmundur Páll Jónsson, lögreglufulltrúi hjá Lögreglunni á höfuðborgarsvæðinu, segir hann hafa verið handtekinn um klukkan fimm í nótt en slökkvistarf var í gangi til um klukkan fjögur. 

Innlent
Fréttamynd

Bruninn mikið á­fall og tjónið lík­lega veru­legt í versluninni

Eva Katrín Baldursdóttir og Steinunn Hrólfsdóttir voru vaktar í nótt við það að viðvörunarkerfið í verslun þeirra, Andrá, var farið í gang. Eldur var í kjallara hótels í sama húsnæði og töluverður reykur í versluninni sem er full af nýjum vörum fyrir haustið. Þær segja þetta mikið áfall og tjónið líklega verulegt.

Innlent
Fréttamynd

Flúði hótel­her­bergið vegna brunans og gleymdi tönnunum

Bruce Allen Ednie frá Connecticut í Bandaríkunum var gestur á hótel Skjaldbreið í nótt þegar eldur kom upp. Alls voru um 60 gestir á hótelinu þegar kviknaði í um klukkan hálf eitt í nótt. Tveir gestir voru fluttir á slysadeild. Einn var handtekinn stuttu eftir að aðgerðir hófust. Slökkvistarfi lauk um klukkan fjögur í nótt.

Innlent
Fréttamynd

Gestir fluttir á önnur hótel vegna skemmda eftir brunann

Kristófer Oliversson, forstjóri Center Hotel, segir tjónið verulegt á Hótel Skjaldbreið, hóteli þeirra í miðbænum, þar sem kom upp bruni í nótt. Hann segir um 60 gesti hafa verið flutta á önnur hótel í nótt. Tveir gestir voru fluttir á slysadeild vegna gruns um reykeitrun.

Innlent
Fréttamynd

Lík­lega á yfir tvö hundruð kíló­metra hraða

Bíllinn sem þrjú ungmenni voru í þegar hann hafnaði utan vegar á Krýsuvíkurvegi með þeim afleiðingum að öll þrjú létust var á yfir tvö hundruð kílómetra hraða þegar slysið varð. Eldur kviknaði í bílnum þar sem hann lenti í hrauninu. Þrír bílar til viðbótar voru á vettvangi þegar slysið varð, en eitt ungmennanna var erlendur ríkisborgari.

Innlent
Fréttamynd

Hálft ár fyrir ræktun á þriðja hundrað kannabisplantna

Maður hefur verið dæmdur í sex mánaða skilorðsbundið fangelsi fyrir að hafa haft í fórum sínum og ræktað 260 kannabisplöntur í sölu- og dreifingarskyni í Reykhólahreppi á Vestfjörðum þann 10. ágúst síðastliðinn. Lögreglumenn fundu plönturnar í leit í húsi sem vógu samtals rúm 126 kíló.

Innlent

Mest lesið