Innherji
Bandarískar eignir verða áfram undirvigtaðar hjá LSR vegna pólitískrar áhættu
Yfirlýsingar og „óútreiknanlegar ákvarðanir“ ráðamanna vestanhafs hefur valdið því að pólitísk áhætta á fjármálamörkuðum hefur aukist, meðal annars í Bandaríkjunum þar sem fleiri blikur eru á lofti, og vegna þessa eru bandarískar verðbréfaeignir nokkuð undirvigtaðar í eignasafni LSR. Stjórnarformaður sjóðsins segir að á því verði ekki breyting í bráð.
Fréttir í tímaröð
Methagnaður hjá BBA//Fjeldco þegar tekjurnar rufu tveggja milljarða múrinn
Lögmannsstofan BBA//Fjeldco, sem var meðal annars ráðgjafi við sölu ríkisins á eftirstandandi hlut sínum í Íslandsbanka í einu stærsta útboði Íslandssögunnar, skilaði sinni bestu afkomu frá upphafi í fyrra þegar tekjur félagsins jukust um liðlega fjórðung milli ára. Stjórnendur BBA//Fjeldco segja útlit fyrir enn meiri vöxt á þessu ári.
Verðmetið á yfir tíu milljarða þegar fjárfestar keyptu helmingshlut í Algalíf
Þegar hópur innlendra fjárfesta, leiddur af framtakssjóðnum Aldir ásamt meðal annars viðskiptafélögunum Andra og Birgi Má, festi kaup á stórum hlut í Algalíf á Reykjanesi á haustmánuðum síðasta árs þá var hlutafé líftæknifyrirtækisins verðmetið á meira en tíu milljarða í viðskiptunum.
Fjárfestar halda áfram að minnka stöðu sína í hlutabréfasjóðum
Fjárfestar héldu áfram að selja sig út úr hlutabréfasjóðum í nokkuð stórum stíl í liðnum mánuði á sama tíma og markaðir lækkuðu skarpt eftir stríðsátökin við Persaflóa. Eignir innlendra hlutabréfasjóða hafa ekki verið minni að umfangi frá því á haustmánuðum ársins 2024.
Verðmat Síldarvinnslunnar hækkar verulega og væntingar um metár í tekjum
Horfur í sjávarútvegi á þessu ári eru „mjög góðar“, sem litast meðal annars af væntingum um áframhaldandi hátt afurðaverð samhliða sterkri eftirspurn, og hafa greindur því hækkað verðmat sitt á Síldarvinnslunni um nærri fimmtung. Hagfelld ytri skilyrði og ágætis loðnuvertíð gæti orðið til þess að 2026 verði metár í tekjum sjávarútvegsfyrirtækja en rekstrarhagnaðarhlutföll eru samt líkleg til að lækka vegna hærri veiðigjalda.
Stækkar stöðuna í Íslandsbanka með kaupum fyrir nærri tvo milljarða
Lífeyrissjóður verslunarmanna hefur á undanförnum vikum verið umsvifamesti fjárfestirinn á kaupendahliðinni í Íslandsbanka en hlutabréfaverð félagsins hefur hækkað nokkuð skarpt samhliða endurkaupum og væntingum um mikinn afkomubata þegar uppgjör fyrsta fjórðungs verður birt.
Mest lesið
Myntbreyta
Mynt
Miðgengi
Upphæð
ISK1
GBP0
SEK0
USD0
EUR0
NOK0
DKK0
JPY0
Heimilin óttast viðvarandi háa verðbólgu og flykkjast í fasta óverðtryggða vexti
Á allra síðustu mánuðum hafa orðið talsvert umskipti á lánamarkaði en samhliða því að væntingar í efnahagslífinu hafa breyst til hins verra, með auknum líkum á þrálátri verðbólgu og háum stýrivöxtum, hafa heimilin brugðist við með því að færa sig yfir í óverðtryggð lán á föstum vöxtum. Hrein ný lántaka heimila á slíku lánaformi hefur aldrei mælst meiri en í liðnum mánuði.
Framtakssjóður að ganga frá kaupum á samlokurisanum Sóma
Samlokurisinn Sómi, sem hefur vaxið ört á undanförnum árum og árlegar tekjur samstæðunnar nema orðið um sex milljörðum, er að skipta um eignarhald en unnið er núna að því að ljúka við sölu á félaginu til innlends framtakssjóðs sem er að mestu í eigu lífeyrissjóða.
„Getum aldrei fengið“ evrópska vexti með íslenskt regluverk
„Við getum aldrei fengið evrópska vexti ef við erum ekki með evrópskt regluverk,“ að sögn fyrrverandi bankastjóra Kviku, og bendir á að „ofuráhersla á varfærni“ leiði ekki endilega til skilvirkni heldur getur fremur orðið til þess að fjármálakerfið verði lakara við að sinna meginhlutverki sínu að miðla fjármagni með hagkvæmustum hætti. Hann segir jafnframt „skynsamlegt og nauðsynlegt“ að grípa til aðgerða til að auka þátttöku á innlendum fjármálamarkaði sem einkennist núna af einsleitni og veikri verðmyndun.
Vænta óbreyttrar verðbólgu og verðhækkanir áfram á breiðum grunni
Veruleg óvissa er um þessar mundir í spám greinenda um verðbólguþróunina en útlit er fyrir að hún muni mælast nánast óbreytt í aprílmánuði, ef marka má meðalspá, en þróun flugfargjalda gæti ráðið miklu um niðurstöðuna. Greinendur vara við því að annarrar umferðar áhrif af hærri verðbólgu muni koma fram á næstu mánuðum.
Sjóður Visku minnkaði um helming samtímis gengislækkun og innlausnum
Gengistap samhliða erfiðum aðstæðum á rafmyntamörkuðum og innlausnir meðal fjárfesta þýddi að eignir í stýringu rafmyntasjóðs hjá Visku lækkuðu um liðlega helming í fyrra. Yfir tuttugu fjárfestar lögðu nýjum sjóði Visku, sem beinir meðal annars sjónum sínum að fjárfestingum tengdum gervigreind, til um milljarð króna á seinni árshelmingi.
Eru ekki að sjá „þessa holskeflu“ verðhækkana eins og fyrir fjórum árum
Þótt tilkynningar um verðhækkanir séu farnar að berast í auknum mæli frá birgjum þá er ástandið enn sem komið er ekkert í líkingu við það sem var vegna hækkunar á orku- og hrávöruverði eftir innrás Rússa í Úkraínu fyrir fjórum árum, að sögn forstjóra Haga. Nýtt samstarf við danskan smásölurisa mun í senn lækka verð í verslunum Haga og ætti jafnframt að bæta framlegðina.
Kallar eftir umræðu um hvort stjórnarformenn verði kosnir beint af hluthöfum
Stjórnarformaður eins stærsta lífeyrissjóðs landsins telur rétt að taka umræðu um hvort það eigi að hverfa frá því fyrirkomulagi að stjórnarmenn skráðra félaga ákveði það sjálfur hver gegnir formennsku og þess í stað að fara þá leið að kjósa um stjórnarformann í beinni kosningu á aðalfundum. Þá furðar hann sig á sjónarmiðum sem hafa komið nýlega frá Þorsteini Pálssyni, sem gagnrýndi greinaskrif forstjóra Icelandair og Heima, og segir þau fela í sér ákall um að „afnema mannréttindi stjórnenda“ skráðra félaga til að tjá sig um samfélagsmál.
First Water að klára um sex milljarða fjármögnun frá innlendum fjárfestum
First Water, sem vinnur að risavaxinni uppbyggingu á landeldi í Þorlákshöfn, er núna að loka stórri fjármögnun frá innlendum fjárfestum í formi útgáfu breytanlegra skuldabréfa, ásamt því að tryggja sér frekara lánsfé frá fjármálastofnunum.
Landsbankinn með langmest undir í lánum til byggingageirans
Eftir verulegan lánavöxt á liðnu ári til byggingageirans er Landsbankinn núna með um helminginn af öllum útistandandi lánum stóru bankanna til verktakafyrirtækja. Greinendur hafa varað við því að fyrirséð er að útlánasafn bankanna til geirans eigi eftir að „súrna“ núna þegar meðalsölutími nýrra íbúða hefur aldrei mælst lengri og þrengt hefur að aðgengi að lánsfé.
Agnar kemur nýr inn í stjórn Ísfélagsins
Á aðalfundi Ísfélagsins síðar í vikunni verður gerð ein breyting á stjórn félagsins og þá er jafnframt lagt til að greiða arð til hluthafa sem nemur um 76 prósent af hagnaði síðasta árs, nokkuð lægra hlutfall en í fyrra.
Fjártæknifyrirtæki búast við enn meiri tekjuvexti og innreið á nýja markaði
Samtals 76 fjártæknifyrirtæki starfa hér á landi, 930 manns vinna í geiranum og 55 prósent tekna koma frá erlendum mörkuðum. Ný samantekt Northstack sýnir jafnframt að mikill meirihluti forsvarsmanna fyrirtækjanna væntir tekjuvaxtar, aukins vöruframboðs og innreiðar á nýja markaði á næstu tólf mánuðum.
Alls staðar verið að minnka áhættusækni og dirfsku hjá stjórnendum félaga
Einn stærsti einkafjárfestirinn í Sjóvá sagði afstöðu Gildis gegn tillögu að kaupréttaráætlun fyrir lykilstjórnendur félagsins, sem tekist var á um á nýlegum aðalfundi, vera „óskiljanlega“ og gagnrýndi að alls staðar sé verið að „minnka áhættusækni og dirfsku og draga tennurnar úr“ þegar reynt er að umbuna stjórnendum. Að sögn framkvæmdastjóra Gildis snýr gagnrýninn að skorti á skýrleika en sjóðurinn var eini hluthafinn sem greiddi atkvæði á móti kaupréttaráætluninni eftir breytingartillögu sem barst frá LSR.
Telur Alvotech verulega undirverðlagt á markaði þrátt fyrir lækkun á verðmati
Þótt bandaríski stórbankinn Morgan Stanley hafi lækkað lítillega verðmat sitt á Alvotech þá ráðleggur hann fjárfestum að vera yfirvigtaðir í félaginu og telur það verulega undirverðlagt á markaði.
Boða aðgerðir til að auðvelda almenningi að fjárfesta með skilvirkum hætti
Stjórnvöld vinna nú að undirbúningi frumvarps, sem áformað er að verði orðið að lögum snemma árs 2027, sem miðar að því að bæta miðlun innlends sparnaðar til fjárfestinga og meðal annars auðvelda einstaklingum að fjárfesta með skilvirkari hætti. Fjármála- og efnahagsráðherra hefur áður sagt að verið sé að skoða leiðir til að auka þátttöku almennings á hlutabréfamarkaði.
Felur í sér „verulega áhættu“ fyrir efnahagsstöðugleika og magnar hagsveiflur
Fjármálaráð fer hörðum orðum um ákvörðun stjórnvalda að vísitölutengja bætur almannatrygginga, þar sem verið sé að bregðast við „ofmetnum“ vanda, og segir afleiðingarnar vera „veruleg áhætta“ fyrir stöðugleika í efnahagslífinu með því auka sjálfvirkni í útgjaldaþróun, magna hagsveiflur og minnka getu ríkisins til að beita mótvægisaðgerðum. Í ljósi reynslu annarra þjóða þá „sætir það furðu“, að mati ráðsins, að slíkt kerfi sé tekið upp, einkum þegar litið er til þess að tekjur öryrkja hafa vaxið hraðar en vinnandi fólks undanfarin áratug.
Vara við lausafjárvanda verktaka þegar bankarnir setja þeim stólinn fyrir dyrnar
Vegna fordæmalausrar sölutregðu á nýbyggingum þá er einungis tímaspursmál hvenær bankarnir fara að setja fjármagnsþörf áframhaldandi birgðasöfnunar á nýjum íbúðum „stólinn fyrir dyrnar,“ samkvæmt nýrri greiningu um fasteignamarkaðinn, sem mun þá birtast í lausafjárvanda byggingarverktaka. Sögulega mikið ójafnvægi á milli fasteignaverðs og getu heimila til íbúðakaupa, ásamt horfum á aðhaldssamri peningastefnu, ætti að styðja við að verðið gefi enn eftir á komandi mánuðum og spurningin er aðeins hversu hröð sú aðlögun verður.
Nova „heppilegur eigandi“ að Ofar og samlegðaráhrifin sögð varlega metin
Þrátt fyrir að nýleg kaup Nova á upplýsingatæknifyrirtækinu Ofar hafi komið nokkuð á óvart, að mati hlutabréfagreinanda, þá líta þau vel út en yfirlýst samlegðaráhrif eru sögð vera fremur varlega metin. Verðmat Nova helst nánast óbreytt milli fjórðunga og er félagið talið verulega undirverðlagt á markaði.
Bandaríski risinn Oracle kaupir réttindi til að nýta sér tækni Lucinity
Íslenska gervigreindarfyrirtækið Lucinity, sem veitir þjónustu á sviði varna gegn peningaþvætti og öðrum fjármálaglæpum, hefur gengið frá samkomulagi við Oracle en bandaríski tæknirisinn hefur með því tryggt sér réttindi til að nota tækni Lucinity.