Innlent

Kjós­endur Við­reisnar líta frekar til vinstri

Bjarki Sigurðsson og Sólrún Dögg Jósefsdóttir skrifa
Viðreisnarmenn í Reykjavík gætu verið í lykilstöðu þegar kemur að meirihlutamyndun. 
Viðreisnarmenn í Reykjavík gætu verið í lykilstöðu þegar kemur að meirihlutamyndun.  Vísir/Lýður Valberg

Kjósendum Viðreisnar í Reykjavík hugnast miklu frekar að mynda meirihluta með vinstri flokkum en hægri flokkum að loknum kosningum samkvæmt nýrri könnun Maskínu. Flokkurinn gæti verið í lykilstöðu varðandi meirihlutamyndun.

Í nýrri Maskínukönnun var kannað hvaða flokk kjósendur myndu helst vilja sem samstarfsflokk. Tæplega helmingur Sjálfstæðismanna vill vinna með Miðflokknum á meðan Samfylkingarfólk horfir helst til Viðreisnar og Vinstrisins. 

Meirihluti kjósenda Vinstrisins myndi vilja vinna með Samfylkingu, tæplega helmingur kjósenda Viðreisnar vill samstarf með Samfylkingu en tæplega þriðjungur með Sjálfstæðisflokknum. 

Svör kjósenda hvers og eins flokks við spurningunni: Hvaða flokk myndir þú vilja í samstarf?Vísir

Miðflokkskjósendur eru langspenntastir fyrir samstarfi við Sjálfstæðisflokkinn og meirihluti Framsóknarkjósenda sömuleiðis. Pírötum líst best á Sósíalista, Flokki fólksins á Sjálfstæðisflokkinn og Sósíalistum á Vinstrið.

Ólafur Þ. Harðarson, prófessor emeritus í stjórnmálafræði, ræðir niðurstöður könnunarinnar í kvöldfréttum Sýnar. 

Fréttastofa Sýnar stendur fyrir kappræðum klukkan 19:30 í kvöld en þar verður farið yfir niðurstöður glænýrrar könnunar Maskínu um fylgi flokkanna í beinni. Fylgjast má með kappræðunum á myndlyklum Vodafone og Símans, í Sýnarappinu eða hér á Vísi.

Sveitarstjórnarkosningar 2026 Skoðanakannanir Viðreisn Sjálfstæðisflokkurinn Miðflokkurinn Framsóknarflokkurinn Flokkur fólksins Píratar Sósíalistaflokkurinn Vinstri græn Vinstrið Samfylkingin

Mest lesið


Fleiri fréttir

Sjá meira


×

Mest lesið