Innlent

Nei-sinnar fleiri í fyrsta sinn

Aðeins fleiri segjast ætla að segja nei í þjóðaratkvæðagreiðslunni um helgina samkvæmt nýjum þjóðarpúlsi Gallup. Breyting er þar á þar sem fyrri kannanir hafa sýnt fram á meiri stuðning við já-hliðina.

Innlent

Stungan leiddi til skurðar

Ungur drengur stakk sér til sunds í Mosfellsbæ og rak höfuðið í með þeim afleiðingum að hann hlaut skurð á höfðinu. Lögreglan á höfuðborgarsvæðinu brást við tilkynningu um slysið.

Innlent

Vissu ekki að þeir yrðu í aug­lýsingu fyrir Á­fram Ís­land

Það vakti undrun einhverra að slökkviðliðsfólki úr röðum Brunavarna Suðurnesja skyldi bregða fyrir í auglýsingu nei-hreyfingarinnar Áfram Ísland á dögunum. Slökkviliðsstjóri segir að í beiðni sem honum barst um að taka upp kynningarefni hafa hvergi verið minnst á að það væri fyrir auglýsingu hreyfingarinnar. Áfram Ísland segir slökkviliðsmennina ekki mótfallna því að vera í auglýsingunni.

Innlent

Beint streymi frá opnum fundi Á­fram Ís­land

Nei-hreyfingin hefur efnt til útifundar á Austurvelli klukkan 17:00 í dag en í aðdraganda fundarins hafa símaskilaboð borist fjölda fólks þar sem því er boðið að mæta til að stilla saman strengi fyrir laugardaginn. Meðal ræðumanna eru Katrín Jakobsdóttir fyrrverandi forsætisráðherra og Áslaug Arna Sigurbjörnsdóttir fyrrverandi þingmaður og ráðherra. Hægt er að fylgjast með streymi á Vísi.

Innlent

Beint streymi frá opnum fundi Já til að sjá

SJÁ, hreyfing þeirra sem vilja segja „Já til að sjá“, heldur opinn viðburð í aðdraganda þjóðaratkvæðagreiðslunnar 29. ágúst. Fundurinn fer fram klukkan 17:00 í dag í Tónabíói, Skipholti 33, og er öllum boðið að kíkja við en einnig verður hægt að fylgjast með streymi á Vísi.

Innlent

„Við höfum gott af því að rífast að­eins“

Þau Þórhildur Þorkelsdóttir ráðgjafi og hlaðvarpsstjórnandi, Þórarinn Hjartarson hlaðvarpsstjórnandi og Lilja Katrín Gunnarsdóttir útvarpskona mættu í fjórða og síðasta Pallborð Vísis fyrir laugardaginn 29. ágúst. Þar voru þau einróma um að þjóðin hefði gott af umræðunni sem hafi skapast í aðdraganda þjóðaratkvæðagreiðslunnar um framhald aðildarviðræðna við Evrópusambandið.

Innlent

Al­menningur hafi aldrei átt séns

Í fjórða og síðasta Pallborði Vísis í aðdraganda þjóðaratkvæðagreiðslunnar á laugardag mættu fyrst stjórnmálafræðingarnir og þáttastjórnendur Skuggavaldsins þau Eiríkur Bergmann og Hulda Þórisdóttir. Þau snertu á upplýsingaóreiðu og hafði Eiríkur á orði að almenningur hafi aldrei „átt séns.“ Umræðan sé farin að minna ískyggilega mikið á Brexit umræðu í Bretlandi á sínum tíma.

Innlent

Ó­á­kveðnir hallist jafnan að minni breytingum

Hafsteinn Birgir Einarsson stjórnmálafræðingur segir erfitt að spá fyrir um hvernig ungt fólk og óákveðnir muni kjósa í þjóðaratkvæðagreiðslunni. Óákveðnir séu almennt taldir halla að minni breytingum en Brexit-kosningin sýni að sú regla haldi ekki alltaf.

Innlent

Ætlar ekki að láta kúga sig

Baráttukonan Sema Erla Serdaroglu hefur verið ákærð fyrir brot á lögum um opinberar fjársafnanir. Hún neitar sök, segir málið skrípaleik og ætlar ekki að láta kúga sig.

Innlent

Pall­borðið: Satt, logið og um­deildar aug­lýsingar

Farið verður yfir samsæriskenningar og fleiri fullyrðingar sem tæplega standast skoðun í aðdraganda þjóðaratkvæðagreiðslunnar á laugardag í fjórða og síðasta Pallborði Vísis fyrir kosningar. Auk þess verður kosningabaráttan hingað til gerð upp af álitsgjöfum.

Innlent

Al­var­lega staða kalli á sam­eigin­legt á­tak

Verðbólga hefur ekki verið meiri í tvö ár og mælist nú 5,6 prósent. Þar með eru forsendur til að segja upp kjarasamningum um næstu mánaðamót. Forsvarsmenn Starfsgreinasambandsins og Samtaka iðnaðarins segja stöðuna alvarlega og kalla eftir sameiginlegu átaki stjórnvalda og aðila vinnumarkaðarins til að ná tökum á verðbólgu og vöxtum

Innlent

For­sendur brostnar og heilsu konungs hrakar

Í hádegisfréttum á Bylgjunni ber hæst að verðbólga hefur ekki verið meiri í tvö ár og mælist nú 5,6 prósent. Forsendur kjarasamninga eru því brostnar. Rætt verður við Sigurð Hannesson, framkvæmdastjóra Samtaka iðnaðarins, og Vilhjálm Birgisson, formann Starfsgreinasambands Íslands, um stöðuna.

Innlent

Málið vegna fjársöfnunar Solaris tekið fyrir í héraðs­dómi

Baráttukonan Sema Erla Serdaroglu hefur verið ákærð fyrir brot á lögum um opinberar fjársafnanir. Hún mætti í Héraðsdóm Reykjavíkur í gær þar sem ákæran var tekin fyrir, sem snýr að landssöfnun Solaris samtakanna fyrir Palestínu árið 2024. Solaris hélt utan um fjársöfnunina og ráðstafaði fénu sem safnaðist til aðstoðar flóttafólki frá Palestínu.

Innlent

Mikil­vægt að fatlaðir geti tekið þátt í um­ræðunni

Víða hafa verið haldnir fundir, pallborð og kappræður nú þegar þjóðaratkvæðagreiðsla þar sem kosið verður um áframhaldandi viðræður um aðild Íslands að Evrópusambandinu nálgast óðfluga. Félag fólks með þroskahömlun stóð fyrir einum slíkum í dag, þann 26. ágúst, og leit fréttamaður Sýnar þar við.

Innlent

Hafa augun opin fyrir fleiri „hjálparlausum krúttum á vappi“

Tímabilið þar sem lundapysjum sem hafa rambað inn á byggt ból er bjargað og þeim sleppt út á sjó stendur sem hæst um þessar mundir. Langflestar pysjur finnast í Vestamannaeyjum og hefur þar verið útbúið sérstakt sleppisvæði en í það minnsta einni lundapysju hefur verið bjargað af götum Reykjavíkur þetta árið.

Innlent

Haft sam­band við þá bændur sem búa næst gilinu

Öryggismál við Stuðlagil hafa verið í brennidepli eftir að ferðamaður lést þegar hann féll ofan í gilið á mánudag. Var það annað banaslysið við gilið á tæplega tveimur árum en sveitarstjóri Múlaþings segir fyrsta viðbragð þegar svona sorglegt mál komi upp vera að hlúa að fólki. 

Innlent

Svona var á­varp Krist­rúnar vegna at­kvæða­greiðslunnar

Kristrún Frostadóttir forsætisráðherra flutti ávarp, söngkonan Bríet tók lagið og uppistandarinn Bergur Ebbi Benediktsson leiddi  samtal við salinn í svokölluðum „lýðræðisfögnuði“ í Austurbæ í Reykjavík sem fram fór fyrr í dag vegna þjóðaratkvæðagreiðslunnar á laugardaginn.

Innlent

Leik­skóli spratt upp eins og gor­kúla

Nýr leikskóli með pláss fyrir yfir hundrað börn hefur sprottið upp með undraverðum hraða í Elliðaárdal. Verktaki afhendir borginni hann á næstu vikum. Vonast er til að hægt sé að hefja starfsemi þar sem allra fyrst.

Innlent

Af­hjúpi ekkert nema þeirra eigin við­horf til fólksins í landinu

Forsætisráðherra ávarpaði gesti á svokölluðum „lýðræðisfögnuði“ en þar lagði hún mikla áherslu á að það ætti að treysta því að þjóðin viti sínu viti. Undanfarið hafi málflutningur tengdur slagorðinu Já til að sjá snúist um að það sé markaðsbrella en það, líkt og annar málflutningur nei-ara, byggi á sömu forsendunni: um að þjóðin geti bara ekki skilið þetta mál — og geti bara ekki verið fær um að taka svona ákvörðun með þjóðaratkvæði.

Innlent

Pall­bíll sem var illa lagt upp­hafið að nágranna­erjum

Lögreglan á höfuðborgarsvæðinu er kölluð út oft á dag og eru útköllin eins fjölbreytt og þau eru mörg en í dag barst lögreglu á stöð 1 tilkynning um nágrannaerjur í hverfi 104. Í kerfum er skráð að þær hafi brotist út vegna pallbíls sem var illa lagt. Ekki liggur fyrir hvar honum var lagt né hvernig málið var afgreitt.

Innlent

Mest lesið