Trausti nýr starfs­maður þing­flokks Mið­flokksins

Trausti skipaði 5. sæti á lista Miðflokksins í Kópavogi í nýafstöðnum sveitarstjórnarkosningum og er í dag áheyrnarfulltrúi í innkaupanefnd í Kópavogi, varaáheyrnarfulltrúi í velferðar- og mannréttindaráði og aðalfulltrúi í notendaráði í málefnum fatlaðs fólks.

Í tilkynningu kemur jafnframt fram að Trausti ólst upp í Hörgársveit og að hann er með ML-gráðu í lögfræði og hefur einnig lokið námi í kvikmyndagerð með áherslu á leiklist frá Kvikmyndaskóla Íslands. Síðustu þrjú ár hefur hann starfað sem lögfræðingur hjá Útlendingastofnun, m.a. í efnisteymi stofnunarinnar þar sem hann sinnti umsóknum um alþjóðlega vernd. Síðasta eina og hálfa árið starfaði Trausti í brottvísunarteymi stofnunarinnar. Samhliða starfi sínu þar hefur hann sinnt liðveislu hjá Kópavogsbæ.

Laufey Rún Ketilsdóttir var þangað til í sumar starfsmaður þingflokksins en var í sumar ráðin sérfræðingur í samskiptum og miðlun hjá Upplýsingamiðlun Landsbankans.

Aðrir starfsmenn þingflokks eru þau Björn Ingi Hrafnsson, Kjartan Magnússon og Helga Kristín Ingólfsdóttir. Þá er Fjóla Hrund Björnsdóttir framkvæmdastjóri þingflokks í leyfi.