„Noregur sökkar“

Trump er tíðrætt um einmitt það og ljóst að norska þjóðin hefur ekki verið í miklu uppáhaldi hjá Bandaríkjaforseta frá því að tilkynnt var um að Nóbelsnefnd hefði ákveðið að veita lögmanninum og dómaranum Navanethem Pillay friðarverðlaunin í byrjun þessa mánaðar.

Fundurinn sem um ræðir fór fram í Port Huron í Michiganríki en fram undan eru þingkosningar víða í Bandaríkjunum sem munu hafa mikil áhrif á það sem lifir af kjörtímabili Trump. Horfur repúblikana hafa ekki þótt ýkja góðar í aðdragandanum og því er Trump á þeytingi um landið að safna atkvæðum.

Í ræðustól rifjaði Trump upp dagana í kringum tilkynninguna. Hann fullvissar viðstadda um að hann hefði ekki haft neinn tíma til að spá í það hver fengi verðlaunin.

„Svo var tilkynnt um þau og einhver kona sem enginn hafði nokkurn tímann heyrt um fékk þau. Ég sagði: hvað með mig? Gefa þeir tvö?“ sagði hann.

„Þannig að ég er ekki ýkja hrifinn af Noregi. Í hreinskilni sagt sökkar Noregur. Noregur er í raun orðinn skítaland,“ sagði hann svo.