Viðskipti innlent

Tvírukkaðar færslur leið­réttar

Rafn Ágúst Ragnarsson skrifar
Vandamálin tengjast dönskum færsluhirði og færslur hafa margfaldast.
Vandamálin tengjast dönskum færsluhirði og færslur hafa margfaldast. EPA

Viðskiptavinir Arion banka og Landsbankans lentu í því í gær að færslur vegna notkunar á greiðslukortum voru tvírukkaðar. Um var að ræða kerfisvillu sem hefur nú verið leiðrétt.

Í tilkynningum á vefum bankanna tveggja kemur fram að einungis hafi verið um innlendar færslur að ræða.

Á meðan unnið var að leiðréttingu villunnar og viðskiptavinum bent á að sækja um tímabundið hækkaða heimild enda getur verið íþyngjandi fyrir marga að ráðstöfunarheimild reikninga sé ekki rétt.

Ráðstöfunarheimildir hafa verið leiðréttar í báðum bönkum en bent er á að tvöfaldar færslur geti enn verið í yfirlitum.

Neytendur Arion banki Landsbankinn Greiðslumiðlun


Mest lesið


Fleiri fréttir

Sjá meira


×

Mest lesið