Innlent

Kompásar stilltir fyrir komandi hval­veiðar

Kristján Már Unnarsson skrifar
Hvalur 8 siglir til baka inn til Reykjavíkur í dag eftir prufusiglingu á Faxaflóa.
Hvalur 8 siglir til baka inn til Reykjavíkur í dag eftir prufusiglingu á Faxaflóa. Lýður Valberg

Lokaundirbúningur hvalvertíðar stendur yfir hjá Hval hf. og í dag var hvalbátunum tveimur, Hval 8 og Hval 9, siglt úr Reykjavíkurhöfn og um Faxaflóa í nokkrar klukkustundir. Töldu kunnugir að verið væri að prufukeyra gufuvélarnar og stilla kompása.

Ekki var búið að koma hvalabyssunum fyrir þannig að tækifærið virðist ekki hafa verið nýtt til að æfa skotfimina. Samtímis standa yfir endurbætur á hvalstöðinni í Hvalfirði.

Skipverjar hvalbátanna fengu tækifæri til að þjálfa sig.Lýður Valberg

Langreyðarkvótinn heimilar veiðar á allt að 150 dýrum í sumar og má búast við hvalvertíðin standi fram eftir septembermánuði.

Staðfestar upplýsingar hafa ekki fengist um hvenær hvalbátunum verður siglt út á miðin til veiða en líklegt þykir að það verði í síðasta lagi um næstu helgi.

Hér má sjá hvalbátana í dag:

Hvalveiðar Sjávarútvegur Hvalfjarðarsveit Reykjavík Akranes

Tengdar fréttir

Hvalbátarnir komnir úr klössun fyrir vertíðina

Hvalveiðibátnum Hval 8 var núna undir kvöld rennt úr slippnum í Reykjavíkurhöfn eftir klössun en áður var búið að yfirfara Hval 9. Þetta þykja ótvíræð merki um að Hvalur hf. stefni á stórhvalaveiðar í sumar.

„Það sem við hófum árið 1986 ætlum við að klára árið 2026“

Stofnun Paul Watson boðar „Aðgerð 86“ í sumar, til að binda enda á hvalveiðar Íslendinga. Þetta segir í tilkynningu frá samtökunum, þar sem því er lýst með dramatískum hætti að fjögurra áratuga átök milli aðgerðasinna og „alræmdasta“ hvalveiðimanns Íslands, Kristjáns Loftssonar, séu enn á enda.

Mest lesið


Fleiri fréttir

Sjá meira


×

Mest lesið