Streeting segir af sér úr ríkis­stjórn Starmer

Framtíð ríkisstjórnar Starmers er í mikilli óvissu, en undanfarna daga hefur orðrómur verið á kreiki þess efnis að Streeting muni opinberlega lýsa yfir vantrausti gagnvart Starmer og ógna stöðu hans sem leiðtoga Verkamannaflokksins.

Í bréfi sínu til Starmers minntist Streeting þó ekki á að hann myndi skora á forsætisráðherrann, og fara fram á leiðtogakjör. Til þess að knýja slíkt fram þyrfti hann stuðning fimmtungs þingmanna flokksins, en í dag eru það 81 fulltrúar sem hann þyrfti til.

Starmer hefur verið undir pressu undanfarið, sérstaklega í kjölfar nýliðinna kosninga þar sem Verkamannaflokkurinn beið afhroð, bæði á sveitarstjórnarstiginu í Englandi, og í þingkosningum í Skotlandi og Wales.