Einn í lífs­hættu eftir að bíl var ekið inn í þvögu

Breska ríkisútvarpið greinir frá. Þar kemur fram að íbúar í grennd við svæðið séu skelfingu lostnir eftir atvikið. Myndir frá vettvangi sýna að mikið tjón varð á bílnum sem var ekið. Ökumannsins er enn leitað en hann lagði á flótta frá vettvangi fótgangandi.

Einhvers konar átök áttu sér stað nærri miðbæ Arnold áður en bílnum var ekið á gangandi vegfarendur. Lögreglan telur að átökin eða ágreiningurinn sem um ræðir hafi leitt til voðaverksins. Atvikið átti sér stað klukkan 01.12 í nótt. 

Málið er nú rannsakað af lögreglu á svæðinu sem telur sig vita hver árásarmaðurinn er. Ekki er litið á málið sem hryðjuverkaárás og ekki er talið að hætta steðji að almenningi.