Ráðinn sviðs­stjóri fyrir­tækja­sviðs Olís

Í tilkynningu segir að Hinrik komi til Olís frá Eðalfangi sem sé móðurfélag Norðanfisks og Eðalfisks þar sem hann hafi gegnt stöðu framkvæmdastjóra. 

„Hinrik starfaði í tíu ár hjá N1 bæði sem framkvæmdastjóri félagsins og sem yfirmaður fyrirtækjasviðs. Fyrir þann tíma var hann framkvæmdastjóri Eimskips í Þýskalandi,“ segir í tilkynningu. 

Ennfremur segir að Hinrik sé með cand oecon gráðu frá Háskóla Íslands ásamt því að hafa lokið AMP (Advanced Management Program) við IESE viðskiptaháskólann í Barcelona. 

„Hinrik hefur víðtæka reynslu af stjórnarsetu og sat meðal annars í stjórn Samtaka verslunar og þjónustu, stjórn Icelandic Food Company og stjórn Malik í Danmörku.

Hinrik er kvæntur Önnu J. Sævarsdóttur, mannauðsstjóra og saman eiga þau þrjár dætur.

Olís rekur yfir 65 útsölustaði á landinu öllu og er hluti af daglegu lífi fjölda landsmannna. Í dag starfa á fjórða hundrað starfsmenn hjá Olís sem leggja metnað sinn í að veita góða þjónustu til viðskiptavina.“