Mac­Kenzi­e Scott giftist kennara við skóla barna sinna

Scott greinir frá þessu á vefsíðunni The Giving Pledge, en um tvö ár eru nú liðin frá skilnaði þeirra Scott og Bezos. Þau voru gift í um aldarfjórðung og eiga saman fjögur börn.

Í yfirlýsingu frá Bezos segir að Jewett sé frábær maður og að hann sé ánægður og spenntur fyrir hönd bæði Scott og Jewett.

Greint var frá því í desember að Scott hafi látið rúmlega fjóra milljarða Bandaríkjadala af hendi rakna til fjölskylduhjálparstofnana og styrktarsjóða á síðustu mánuðum. Það samsvarar um 500 milljarða íslenskra króna. Hún hefur áður sagst ætla að gefa megnið af auðæfum sínum til góðgerðasamtaka.

Scott var á síðasta ári átjánda á lista yfir ríkustu manneskjur heims, en á síðasta ári jukust auðæfi hennar mikið og eru nú metin á 53 milljarða Bandaríkjadala.