Frekari styrkir standa ekki til

Þórdís Kolbrún Reykfjörð Gylfadóttir ferðamálaráðherra telur ljóst að fyrirtækin komist ekki öll í gegnum kreppuna sem nú hrjáir geirann en tveir þriðju fyrirtækjanna standa frammi fyrir skuldavanda á næsta ári.

Framhaldið sé að miklu leyti undir eigendum sjálfum komið, sem ættu að snúa sér að sínum viðskiptabönkum.

„Ef það er eitthvað verkefni sem kemur upp sem við getum átt einhvern þátt í því að leysa, ef það er efnahagslega skynsamlegt og réttlætanlegt gagnvart skattgreiðendum og slíku, þá er það auðvitað eitthvað sem við skoðum. En heilt yfir er þessi fjárhagslega endurskipulagning ekki þannig séð á borði stjórnmálanna,“ segir Þórdís.

Viðtal við ráðherra í Víglínunni má horfa á í heild í spilaranum hér fyrir neðan.