Gott fyrir stuðningsmennina

Rafael Benitez, knattspyrnustjóri Liverpool, var ánægður að leikslokum er lið hans lagði Leverkusen að velli í annað sinn og tryggði sér þar með sæti í 8-liða úrslitum Meistaradeildarinnar í knattspyrnu. Báðum leikjunum lauk með 3-1 sigri Liverpool. "Ég er sérstaklega ánægður fyrir hönd stuðningsmanna okkar því þessi keppni er þeim mikilvæg. Við gerðum okkur auðvelt fyrir með að spila á miklum hraða og munum taka keppnina fyrir leik fyrir leik áfram," sagði Benitez.