Sjávar­út­vegurinn lækkar í kjöl­far nei-sins

Líkt og alþjóð veit greiddu Íslendingar atkvæði gegn áframhaldandi aðildarviðræðum á laugardag. Svo virðist sem áhrifa þeirrar ákvörðunar gæti þegar á hlutabréfamarkaði. Þegar fréttin er skrifuð hefur gengi hlutabréfa í Síldarvinnslunni lækkað um 2,38 prósent, mest allra félaga í Kauphöllinni.

Gengi Brims hefur lækkað næstmest, um 1,87 prósent, og athygli vekur að það hefur gerst í veltu upp á um 200 milljónir króna. Það er margfalt meira en daglegt meðaltal veltu bréfa í Brimi.

Gengi bréfa í Ísfélaginu hefur lækkað ívið minna, eða um 1,16 prósent.