Viðskipti innlent

Ís­fé­lagið eykur veru­lega við sig í fisk­eldinu

Árni Sæberg skrifar
Guðbjörg Matthíasdóttir er stærsti eigandi Ísfélagsins.
Guðbjörg Matthíasdóttir er stærsti eigandi Ísfélagsins. Nasdaq Iceland

Ísfélag hf. hefur tilkynnt að eignarhlutur félagsins í Austri Holding AS verði 43,4 prósent í kjölfar uppgjörs á fjármögnun félagsins til Austurs. Eignarhlutur Ísfélags í Austri var áður 29,3 prósent. Austur fer með sextíu prósenta eignarhlut í Kaldvik AS, sem rekur sjókvíaeldi á Austfjörðum.

Í tilkynningu þess efnis til Kauphallar segir að í júní 2025 hafi Ísfélagið tilkynnt um aðkomu félagsins að fjármögnun Austur vegna þátttöku Austurs í hlutafjárhækkun Kaldvik AS. Fjármögnun Ísfélags hafi numið 341 milljón norskra króna, eða um 4,5 milljörðum króna á gengi dagsins í dag, og samanstaðið af eiginfjárframlagi og breytanlegum hluthafalánum. 

Að loknu uppgjöri fjármögnunarinnar verði eignarhlutur Ísfélags í Austri 43,4 prósent og eignarhlutur Heimstø AS 56,6 prósent.

Sjókvíaeldi Ísfélagið Kaldvík


Mest lesið


Fleiri fréttir

Sjá meira


×

Mest lesið