„Góðir tímar fram­undan“

„Mér fannst við vel ofan í seinni hálfleik og pínu svekktur að hafa ekki bara unnið þennan leik miðað við yfirburðina fannst mér í seinni hálfleik, stöðurnar. Við höfðum bara ekki alveg nægilega mikla orku og lappir í það að klára sóknirnar okkar nægilega vel,“

„Vorum of oft í góðum stöðum og góðum færum til þess að búa til alvöru færi og klára þennan leik, pínu svekktur með það. Það hefur svona pínu loðað við okkur í sumar að bara ná ekki að klára sóknirnar okkar með skoti og það er mjög svekkjandi.“

Hvað gerðuð þið í seinni hálfleik sem varð til þess að frammistaðan var allt önnur en í fyrri hálfleik?

„Bara mikil taugaspenna að koma hérna og það er bara eðlilegt að fyrri hálfleikur sé smá óstöðugur, mér fannst hann full óstöðugur og við vorum ekki nægilega rólegir á boltanum. Við vorum að hugsa að hugsa varnarleikinn, of lengi að lesa í það sem þeir ætluðu að gera þegar þeir voru að skipta honum hérna yfir og tvöfalda hérna hægra megin. Náðum ekki að stoppa, vorum að hleypa þeim alltof auðveldlega út úr þröngum stöðum, gerðum það miklu betur í seinni hálfleik, miklu rólegri á boltann.“

„Uppspilið breyttum því aðeins, breyttum varnarleiknum og leikmenn bara áttuðu sig á því að þetta var ekki nægilega gott í fyrri hálfleik og ætluðu að henda öllu í þetta og gerðu það. Mér fannst við bara mjög flottir hérna í seinni hálfleik og að einhverju leyti verðskulda sigur“.

Þór þurfti að skipta nokkrum sinnum vegna meiðsla í dag sem riðlaði liðinu að einhverju leyti auk þess sem allar skiptingar liðsins voru búnar á 74. mínútu.

„Nei nei, auðvitað hefur það áhrif. Þurftum að taka Kristó (Kristófer Kristjánsson) hérna út af út af einhverju smotteríi svo erum við að gera breytingu í hálfleik. Þetta er ekki gott en mér fannst við eiga bara ágætlega vel við það. Fúsi (Sigfús Fannar Gunnarsson) og Fannar (Daði Malmquist) kannski ekki alveg 90 mínútna menn til þess að vera klára leiki hérna fyrir okkur. Hefðum við fengið smá ferska fætur þar skilurðu þá held ég við hefðum lokað þessu en þeir stóðu sig frábærlega og hentu öllu í þetta. Bara svekkjandi að þurfa að taka (Christan) Greko (Jakobsen) út af.“

„Á endanum fannst mér við bara gera allt til að reyna vinna þennan leik. Mér fannst gott hugarfar, mér fannst orkustigið þegar við komum inn í seinni hálfleikinn einhver veginn hvernig við tökum yfir leikinn mjög gott og hugarfarið. Frábær inn koma hjá Þorra (Ingólfssyni), var geggjaður, Victor (Bertomeu) sem byrjar leikinn, nýi framherjinn okkar, mér fannst hann mjög flottur, sérstaklega svona í því sem hann er góður í þannig að mér finnst bara lofandi staða á liðinu núna. Þurfum aðeins að tjasla mönnum saman og held það séu góðir tímar framundan núna“.

Þór hefur fengið inn þrjá leikmenn í glugganum, ef við teljum Aron Einar Gunnarsson ekki með þar sem hann er farinn aftur, og segir Sigurður að líklega bætist enn fleiri við áður en glugginn lokar.

„Ég býst við að tökum einn, tvo leikmenn í viðbót, það er alveg klárt. Það eru smá hnökrar í hópnum ennþá og við eigum ennþá eftir að fylla í allavega eitt ef ekki tvö pláss.“