Ás­geir Páll kveður Kefla­vík og Ís­land

Keflvíkingar tilkynntu þetta í dag og þökkuðu Ásgeiri fyrir hans störf síðustu fimm keppnistímabil.

Hann kom til Keflavíkur að austan, frá Leikni Fáskrúðsfirði, fyrir tímabilið 2022 og lék alls 140 leiki fyrir Keflavík og skoraði í þeim tíu mörk.

Ásgeir Páll var valinn í lið ársins í Lengjudeildinni í fyrra eftir að Keflavík vann sig upp í Bestu deildina og bakvörðurinn var svo áfram í lykilhlutverki í sumar þegar Keflvíkingar komu öllum á óvart og enduðu í efri hluta Bestu deildarinnar.

„Knattspyrnudeild Keflavíkur þakkar Ásgeiri Páli kærlega fyrir hans framlag til félagsins og óskar honum alls hins besta í framtíðinni. Það þarf fólk eins og þig Ásgeir!“ segir í tilkynningu Keflvíkinga á samfélagsmiðlum.