Vara við að­skota­efni í tei

Í tilkynningu frá Matvælastofnun varar stofnunin við neyslu á einni framleiðslulotu af Malwa-tei frá Tee Herbatjka zionkowa sem Mini market ehf. flytur inn. Fyrirtækið hefur í samráði við Heilbrigðiseftirlit Reykjavíkur stöðvað sölu og innkallað vöruna, að sögn Mast.

Tilkynningin hafi borist til Íslands í gegnum evrópska hraðviðvörunarkerfið RASFF um hættuleg matvæli og fóður.

Eingöngu er verið að innkalla eftirfarandi framleiðslulotu:

• Vörumerki: Malwa
• Vöruheiti: Tee Herbatka ziołowa Morwa biała
• Geymsluþol: 31/07/2027
• Strikamerki: 5902781001984
• Nettómagn: 40 g
• Framleiðsluland: Pólland
• Innflytjandi: Mini market, Drafnarfell 14, 111 Reykjavík.
• Dreifing: Mini market, Drafnarfell 14, 111 Reykjavík.

Viðskiptavinum sem hafa keypt vöruna er bent á að neyta hennar ekki og farga eða skila henni í þeirri verslun sem hún var keypt gegn endurgreiðslu.