Hefur bætt við sig fimm milljónum fylgj­enda

Listskautastjarnan fór úr 210 þúsund fylgjendum á Instagram fyrir Ólympíuleikana í ótrúlegar 5,2 milljónir eftir að hún vann tvenn gullverðlaun á vetrarleikunum í Mílanó Cortina í þessum mánuði. Það er fimm milljóna aukning á aðeins nokkrum vikum.

Liu hjálpaði fyrst Bandaríkjunum að vinna liðakeppnina í listskautum 8. febrúar og vann síðan sjálf listdanskeppni kvenna ellefu dögum síðar.

Dansaði við lag Laufeyjar

Liu dansaði við lag Laufeyjar Lín Jónsdóttur í stutta prógramminu en í frjálsa prógramminu skautaði hún við lagið „MacArthur Park Suite“ með Donnu Summer. Liu hreif áhorfendur með gallalausum hreyfingum sínum, geislandi brosi og einkennandi hárgreiðslu.

Sýning hennar skaut henni úr þriðja sæti og efst á verðlaunapall, fram úr japönsku stjörnunum Kaori Sakamoto og Ami Nakai.

Sigurinn markaði fyrstu verðlaun Bandaríkjanna í listskautum kvenna í tvo áratugi – og það voru fyrstu gullverðlaun þjóðar hennar í þessari grein síðan á leikunum 2002 þegar Bandaríkjamenn voru á heimavelli í Salt Lake City.

Líflegur persónuleiki og mikil gleði

Líflegur persónuleiki og almenn gleði hinnar tvítugu Liu á Ólympíuleikunum fékk aðdáendur til að flykkjast á samfélagsmiðla hennar til að sjá meira, og forsaga hennar – sem innihélt ótrúlega endurkomu eftir tveggja ára hlé frá keppni – skaðaði heldur ekki.

Það var ekki heldur slæmt að tengjast Laufeyju Lín sterkum böndum með því að nota lag hennar Promise en aðdáendur Laufeyjar tóku um leið ástfóstri við skautadrottninguna. Laufey er sjálf með yfir átta milljónir fylgjenda á Instagram.

Liu þakkaði fyrir nýja, stóra fylgjendahópinn með færslu á Instagram um helgina þar sem hún birti viðeigandi mynd af sér brosandi með nýju verðlaunin sín tvö.

„Þessi eru fyrir ykkur,“ skrifaði hún í myndatextann.