Viðskipti innlent

Eldur segir Banda­ríkja­stjórn í­huga fjár­festingu og Amaroq tekur stökk

Árni Sæberg skrifar
Eldur Ólafsson er stofnandi og forstjóri málmleitarfélagsins Amaroq minerals, sem vinnur að gullgreftri í Grænlandi. Það er þó ekki gullið sem vekur áhuga Bandaríkjastjórnar.
Eldur Ólafsson er stofnandi og forstjóri málmleitarfélagsins Amaroq minerals, sem vinnur að gullgreftri í Grænlandi. Það er þó ekki gullið sem vekur áhuga Bandaríkjastjórnar. Amaroq

Eldur Ólafsson, forstjóri námafyrirtækisins Amaroq á Grænlandi, segir stjórnvöld í Bandaríkjunum íhuga fjárfestingu í starfsemi félagsins. Í fyrstu viðskiptum í morgun hækkaði gengi félagsins um 10,7 prósent. Á mörkuðum erlendis hækkaði gengið um 19 prósent í gær.

Eldur segir í viðtali við bandaríska viðskiptamiðilinn CNBC að samningaviðræður við Bandaríkjastjórn séu yfirstandandi en að þeim sé ekki lokið. Þær feli í sér mögulega kaupskyldu Bandaríkjastjórnar á málmum sem eftir á að vinna, stuðning vegna inniviðauppbyggingu og lánalínur.

Í viðtalinu vildi Eldur ekki staðfesta hvaða tilteknu verkefnum Amaroq á Grænlandi Bandaríkjastjórn hefur áhuga á en ljóst má telja að áhuginn tengist svokölluðum „þjóðaröryggis-málmum“. 

Amaroq tilkynnti nýverið að sýnatökur hefðu staðfest hátt hlutfall af germani, gallíni og kadmíni, sem Evrópusambandið og Bandaríkin skilgreina sem „þjóðaröryggis-málma“, í Black Angel námunni á Grænlandi.

Eftir að viðtalið birtist í gær tók gengi hlutabréfa Amaroq í Kanada vænt stökk og í lok dags var það 19 prósent hærra en þegar markaðir opnuðu. Í fyrstu viðskiptum hér á landi hækkaði gengið um 10,7 prósent. 

Amaroq Minerals Bandaríkin Donald Trump Kauphöllin Kanada Grænland Hótanir Bandaríkjanna vegna Grænlands

Tengdar fréttir

Eldur og Amaroq í sviðsljósi erlendra fjölmiðla

Eldur Ólafsson, framkvæmdastjóri Amaroq, er áberandi í stórum erlendum fjölmiðlum í dag, en hann hefur meðal annars verið á skjánum í sjónvarpsviðtölum hjá Bloomberg og CNBC. Hann segir að umræðan um Grænland hafi haft jákvæð áhrif á fyrirtækið en segja má að ákveðin stigmögnun hafi orðið í umræðunni um vilja Trump-stjórnarinnar um að eignast Grænland í vikunni. Amaroq er stærsta námufyrirtækið með starfsemi á Grænlandi þar sem það grefur bæði eftir gulli og öðrum fágætum málmum, sem stundum eru kallaðir þjóðaröryggismálmar.

Svona lögðu Kínverjar framtíðina undir sig

Ráðamenn í Kína hafa varið fúlgum fjár og mikilli vinnu yfir marga áratugi í það að ná algerum yfirráðum á markaði svokallaðra sjaldgæfra málma. Nú er staðan sú að þeir svo gott sem stjórna heilum iðnaði sem er gífurlega mikilvægur birgðakeðjum ríkja um allan heim og nauðsynlegur til framleiðslu tækni nútímans og framtíðarinnar.



Mest lesið


Fleiri fréttir

Sjá meira


×

Mest lesið