Nýr ís­lenskur rekstrar­aðili tekur við Lindex

Fram kom í frétt fyrr í dag að Lindex yrði lokað en eigendur væru í samtali um verslunarrýmin og að engin myndi missa vinnuna. Lindex opnaði fyrst árið 2011 á Íslandi og er í dag rekið um allt land í tíu verslunum. 

Þau Lóa Dagbjört Kristjánsdóttir og eiginmaður hennar Albert Þór Magnússon hafa verið með umboðið frá því verslunin opnaði fyrst árið 2011. Þau eiga og reka einnig Ginu Tricot, Mango í Smáralind og barnafataverslanirnar Emil og Línu og Mayoral.

Lindex er sænskt fyrirtæki og kom fram í frétt í dag að núverandi rekstraraðilar hefðu ekki náð samningi um áframhaldandi umboð. 

Fram kom í tilkynningu frá núverandi rekstraraðilum að öllum verslunum yrði lokað og voru viðskiptavinir hvattir til að nýta gjafabréf og inneignir áður en af því verður þann 28. febrúar.