Frosti og Arn­þrúður fá styrki

Þetta kemur fram í tilkynningu á vef stjórnarráðsins og á vef Fjölmiðlanefndar. Úthlutunin er framlenging á styrkjakerfi til einkarekinna fjölmiðla sem samþykkt var að framlengja út árið 2025. Boðaðar hafa verið breytingar og viðbætur sem verða innleiddar í áföngum.

Í tilkynningunni segir að alls hafi borist þrjátíu umsóknir um rekstrarstuðning til einkarekinna fjölmiðla, samtals sótt um rúman einn milljarð. Til úthlutunar voru 550 milljónir, að frádregnum kostnaði vegna umsýslu, auglýsinga, þóknunar fyrir störf úthlutunarnefndar og fleira, sem hafu numið tæpum sex milljónum og til úthlutnar því 544 milljónir.

Segir að umsókn frá þremur umsækjendum hafi verið hafnað, meðal annars frá Bændasamtökum Íslands þar sem umsókn barst að umsóknarfresti liðnum. Þá var umsóknum frá Kaffinu fjölmiðli ehf og Spássíu ehf hafnað þar sem þær uppfylltu ekki skilyrði. 

Meðal þeirra sem hljóta styrk í ár en fengu ekki í fyrra er Brotkast ehf í eigu Frosta Logasonar en félagið hlaut rúmar sjö milljónir króna í styrk. Þá er Útvarp saga í eigu Arnþrúðar Karlsdóttur einnig á lista og fær rúmar átta milljónir króna. Tæpar 87 milljónir króna fara til héraðs- og hverfismiðla. Fjórtán slíkir eru á lista.

Á eftir Sýn og Árvakri er líkt og áður segir Sameinaða útgáfufélagið sem gefur út Heimildina með hæsta styrkinn, tæpar 78 milljónir króna. Þar næst er Myllusetur sem rekur meðal annars Viðskiptablaðið með 42 milljónir, þar á eftir Fjölmiðlatorgið ehf í eigu Helga Magnússonar sem rekur DV.is með tæpar 39 milljónir króna í styrk.

• Árvakur hf. – 103.905.866 kr. (Morgunblaðið, mbl.is, K100, Retró)
• Birtingur útgáfufélag ehf. – 11.412.717 kr. (Gestgjafinn, Hús og híbýli, Vikan, Sumarhúsið og garðurinn)
• Brotkast ehf. – 7.296.558 kr.
• Eigin herra ehf. – 7.096.346 kr. (Akureyri.net)
• Elísa Guðrún ehf. – 6.544.050 kr. (Lifandi vísindi, visindi.is)
• Eyjasýn ehf. – 3.608.423 kr. (Eyjafréttir, eyjafrettir.is)
• Farteski útgáfufélag ehf. – 5.759.018 kr. (ff7.is)
• Fjölmiðlatorgið ehf. – 38.854.610 kr. (DV.is, Hringbraut.is, Pressan.is, Eyjan.is, Icelandmag.is, 433.is)
• Fótbolti ehf. – 11.518.761 kr. (fotbolti.net)
• Fröken ehf. – 12.986.765 kr. (Reykjavík Grapevine)
• Hönnunarhúsið ehf. – 1.573.081 kr. (Fjarðarfréttir, fjardarfrettir.is)
• Iceland Review ehf. – 14.785.571 kr. (Iceland Review)
• Leturstofan Vestmannaeyjum ehf. – 8.569.702 kr. (Tígull)
• Mosfellingur ehf. – 2.057.440 kr.
• Myllusetur ehf. – 42.424.679 kr. (Viðskiptablaðið, vb.is, Frjáls verslun, Fiskifréttir, fiskifrettir.is, Hestablaðið, hestabladid.is)
• Nýprent ehf. – 5.125.032 kr. (Feykir)
• Prentmet Oddi ehf. – 5.209.703 kr. (Dagskráin – Fréttablað Suðurlands, dfs.is)
• SagaNet – Útvarp Saga ehf. – 8.369.710 kr. (Útvarp Saga)
• Sameinaða útgáfufélagið ehf. – 77.699.850 kr. (Heimildin, Heimildin.is, Mannlíf.is)
• Samstöðin ehf. – 11.571.060 kr. (Samstöðin)
• Skessuhorn ehf. – 16.599.863 kr. (Skessuhorn)
• Skrautás ehf. – 2.035.388 kr. (Grafarvogsblaðið, Árbæjarblaðið, Grafarholtsblaðið)
• Steinprent ehf. – 4.301.743 kr. (Bæjarblaðið Jökull)
• Sýn hf. – 103.905.866 kr. (Vísir, Sýn, Sýn Sport, Sýn Sport Viaplay, Sýn Vísir, X977, Bylgjan, Gull Bylgjan, Létt Bylgjan, FM957, Íslenska Bylgjan, Country Bylgjan)
• Tunnan prentþjónusta ehf. – 2.882.329 kr. (DB blaðið, Hellan)
• Útgáfufélag Austurlands ehf. – 7.348.817 kr. (Austurglugginn)
• Útgáfufélagið ehf. – 7.402.678 kr. (Vikublaðið, Vikublaðið.is)
• Víkurfréttir ehf. – 13.175.346 kr. (Víkurfréttir)

Úthlutunarnefnd skipa Anna Mjöll Karlsdóttir lögfræðingur (formaður), samkvæmt tilnefningu Hæstaréttar Íslands, Gunnar Þór Tómasson löggiltur endurskoðandi, samkvæmt tilnefningu Ríkisendurskoðunar og Jón Gunnar Ólafsson, lektor við Háskóla Íslands, samkvæmt tilnefningu samstarfsnefndar háskólastigsins. Fjölmiðlanefnd sá um umsýslu umsókna og veitti úthlutunarnefnd sérfræðiaðstoð vegna þeirra.

Vísir er í eigu Sýnar.