Sjáðu mörkin sem komu United upp fyrir Liverpool

Dagurinn hófst þó á leik Chelsea og Sunderland. Alejandro Garnacho kom Chelsea yfir strax á fjórðu mínútu, en Wilson Isidor jafnaði metin fyrir Sunderland áður en Chemsdine Talbi tryggði gestunum dramatískan sigur.

Þá var einnig dramatík í leik Newcastle og Fulham þar sem Bruno Guimaraes reyndist hetja heimamanna. Jacob Murphy hafði komið Newcastle yfir snemma leiks áður en Sasa Lukic jafnaði metin fyrir Fulham í síðari hálfleik.

Í Manchester-borg tók Manchester United svo á móti Brighton. Matheus Cunha, Casemiro og Bryan Mbeumo sáu til þess að heimamenn voru með þægilega 3-0 forystu eftir rúmlega klukkutíma leik, en Danny Welbeck og Charalampos Kostoulas minnkuðu muninn fyrir Brighton með mörkum á 74. og 92. mínútu.

Áðurnefndur Mbeumo gerði þó út um leikinn með öðru marki sínu og fjórða marki United á 96. mínútu.

Að lokum sótti Liverpool Brentford heim til Lundúna. Dango Ouattara og Kevin Schade skoruðu fyrir heimamenn í fyrri hálfleik áður en Milos Kerkez minnkaði muninn fyrir gestina með síðustu snertingu fyrir hlé.

Igor Thiago endurheimti tveggja marka forskot Brentford með marki af vítapunktinum eftir klukkutíma leik, en Mohamed Salah gaf Liverpool von á 89. mínútu.

Fleiri urðu mörkin þó ekki og fjórða tap Liverpool í deildinni í röð því staðreynd.