Þýski tveggja metra Messi orðaður við ensku úrvalsdeildina

Þessi 23 ára leikmaður er 1,98 metrar á hæð en það vakti athygli þegar hann byrjaði fyrir þýska landsliðið í bæði undanúrslitum Þjóðadeildarinnar og þriðja sætis leiknum. Þetta voru hans fyrstu landsleikir fyrir Þjóðverja.

Hann mun spila með undir 21 árs landsliði Þjóðverja í kvöld þegar þeir mæta Englandi. Hann hefur einmitt töluvert verið orðaður við lið í ensku Úrvalsdeildinni, þar á meðal Chelsea.

Fyrirliði Stuttgart, Atakan Karazor, sagði í viðtali í febrúar að hann væri eins og tveggja metra Messi eða Musiala.

„Hann hefur gott vald á boltanum og getur rekið boltann eins og leikmaður sem er 1,60 metrar á hæð. Hann er tveggja metra leikmaður en er með tækni eins og Messi,“ sagði Karazor.