Bein út­sending: Árs­fundur Samáls

Hægt verður að fylgjast með fundinum í beinu streymi í spilaranum að neðan. 

Í tilkynningu segir að formaður stjórnar Samáls, Hlöðver Hlöðversson, muni þar fara yfir síðasta rekstrarár álveranna en þar verður meðal annars gerð grein fyrir „töpuðum útflutningstekjum vegna skerðinga á raforku til álveranna“. 

„Áætlað hafa þær skerðingar kostað samfélagið um 12 milljarða og enn meira sé litið til þess hve álframleiðsla hefur marga snertifleti við samfélagið með óbeinum áhrifum.

Á fundinum verður jafnframt fjallað um samhengi álframleiðslu á Íslandi og Evrópu og þau tækifæri sem gætu falist í leiðandi mörkuðum fyrir varning með lægra kolefnisspor, enda ál á Íslandi framleitt með lægst kolefnisspor í heimi.

Gestur fundarins verður Guðmundur Ben Þorsteinsson sem starfar sem Human og Organizational Performance Lead at Tesla Rd. Á fundinum fer Guðmundur yfir mikilvægi áls í orkuskiptunum og fjallar þannig um álið frá sjónarhorni notenda.

Atvinnuvegaráðherra, Hanna Katrín Friðriksson, flytur ávarp á fundinun og umhverfis- orku- og loftslagsráðherra, Jóhann Páll Jóhannsson, tekur þátt í pallborði,“ segir í tilkynningunni.

Dagskrá:

• Við gerum betur: Hlöðver Hlöðversson, formaður stjórnar Samáls og framkvæmdastjóri fjárfestinga Alcoa Fjarðaál
• Álið, Ísland og Evrópa: Guðríður Eldey Arnardóttir, framkvæmdastjóri Samáls
• Álið og orkuskiptin: Guðmundur Ben Þorsteinsson, Human & Organizational Performance Lead at Tesla Rd.
• Ávarp: Umhverfis-, orku- og loftslagsráðherra, Jóhann Páll Jóhannsson
• Ávarp: Atvinnuvegaráðherra, Hanna Katrín Friðriksson

Samtal um ál - pallborð:

Þátttakendur

• Sigurður Hannesson framkvæmdastjóri Samtaka iðnaðarins
• Ásgrímur Sigurðsson, framkvæmdastjóri steypuskála Fjarðaáls
• Atvinnuvegaráðherra, Hanna Katrín Friðriksson
• Guðmundur Ben Þorsteinsson, HOP lead at Tesla Rd.

Samtalinu stýrir Vigdís Diljá Óskarsdóttir, Stjórnandi samskipta- og samfélagsmála Alcoa á Íslandi