Haiden Palmer kemur aftur til Ís­lands en nú sem þjálfari

Snæfell er að endurveikja meistaraflokk kvenna hjá félaginu en Snæfell var ekki með kvennalið i vetur eftir að hafa dregið lið sitt úr keppni í Bónus deild kvenna.

Haiden Palmer er að koma til Íslands í fjórða sinn á ferlinum en hún hefur bæði spilað með Snæfelli og Haukum hér á landi.

Snæfellingar muna vel eftir því þegar hún fór fyrir Snæfellsliðinu sem varð bæði Íslands- og bikarmeistari vorið 2016. Hún lék einnig með Snæfelli 2021-22 og varð bikarmeistari með Haukum á 2021-2022 tímabilinu.

Í 54 leikjum í efstu deild á Íslandi var Palmer með 20,5 stig, 7,5 fráköst og 7,0 stoðsendingar að meðaltali en hrífandi karakter og mikil leiðtogahæfileikar skiluðu liðum hennar einnig miklu.

Á miðlum Snæfells kemur fram að hún komi inn í starfið með mikla reynslu og þekkingu á íslenskum körfubolta auk sterkrar tengingar við samfélagið hér í Stykkishólmi.

Haiden hefur þjálfað við Gonzaga háskóla í Bandaríkjunum, þar sem hún lék einnig í háskólaboltanum á sínum tíma.