Allt íþróttafólkið sem vill at­kvæði á morgun

Vísir hefur safnað saman nöfnum íþróttafólks á listum stjórnmálaflokkanna, sem sjá má hér að neðan. Ljóst er að þessi listi er ekki tæmandi en þarna má engu að síður finna fullt af fólki sem fjallað hefur verið um í íþróttafréttum í gegnum árin.

Miðað var við að fólk væri enn virkt í sinni íþrótt eða hefði þá afrekað mikið á ferlinum - til að mynda spilað landsleiki eða komist á Ólympíuleika - stýrt sérsambandi innan ÍSÍ eða komið að íþróttamálum með öðrum áberandi hætti.

Sem sagt alveg sérstaklega loðin viðmið, mögulega í anda pólitíkurinnar, og þiggur blaðamaður ábendingar um viðbætur. 

Fjöldi íþróttafólks í framboði virðist mjög breytilegur á milli kjördæma, eins og sjá má hér að neðan.

Reykjavík norður

Reykjavík suður

Suðvestur

Norðvestur

Í framboði eru sem sagt til að mynda að minnsta kosti þrír Ólympíufarar. Anton Sveinn McKee er nánast nýstiginn upp úr lauginni eftir sína fjórðu Ólympíuleika í sumar, og þau Martha Ernstsdóttir og Hafsteinn Ægir Geirsson kepptu bæði á Ólympíuleikunum í Sydney árið 2000, í maraþoni og siglingum.

Eins og sjá má er enginn frambjóðandi í suður- eða norðausturkjördæmi á listanum, þó að eflaust sé þar fullt af fólki sem áhugasamt er um íþróttir. Þá er ekki á listanum fólk sem sinnir til dæmis stjórnunarstörfum hjá íþróttafélögunum í landinu.

Einnig mætti til dæmis nefna leikstjórann Friðrik Þór Friðriksson (Framsókn) sem stofnaði Knattspyrnufélagið Árvakur. Pétur Marteinn Urbancic Tómasson (Samfylking) er fyrrverandi borðtennisspilari, Völsungurinn Hafrún Olgeirsdóttir (Sjálfstæðisflokkur) er skráð með 129 mörk í meistaraflokki í fótbolta, Steingrímur J. Sigfússon (Vinstri græn) var nú eitt sinn íþróttafréttamaður, Björn Bjarki Þorsteinsson (Sjálfstæðisflokkur) lék fjölda körfuboltaleikja fyrir Skallagrím, Nói Björnsson (Samfylking) er formaður Þórs og gömul fótboltakempa, og þannig mætti eflaust áfram telja.

Þegar horft er til skoðanakannana er ljóst að flest af íþróttafólkinu sem hér hefur verið nefnt er ekki á leið inn á þing, en þó nokkrir. Hanna Katrín Friðriksson (Viðreisn) er fyrrverandi landsliðskona í handbolta og heldur pottþétt sæti sínu á þingi, og heilbrigðisráðherrann Willum Þór Þórsson er oddviti Framsóknar í suðvesturkjördæmi, þó að margir sakni hans sem fótboltaþjálfara. 

Ólafur Adolfsson, fyrrverandi landsliðsmaður í fótbolta og leikmaður gullaldarliðs ÍA, er oddviti Sjálfstæðismanna í norðvesturkjördæmi og Hannes S. Jónsson, áður formaður og nú framkvæmdastjóri Körfuknattleikssambands Íslands, er í 2. sæti Samfylkingar í sama kjördæmi.

Þetta keppnisfólk fylgist eflaust spennt með því þegar fyrstu tölur fara að berast annað kvöld. Kosningasjónvarp fréttastofu Stöðvar 2, Vísis og Bylgjunnar hefst þá klukkan 19:50. Þar birtast nýjustu tölur auk þess sem flakkað verður á milli kosningavaka frambjóðenda og tekið á móti góðum gestum í myndver.