Fjölnir jafnar Njarð­vík á toppnum eftir nágrannaslagi kvöldsins

Keflavík og Njarðvík skildu jöfn í nágrannaslag. Ásgeir Páll Magnússon kom Keflvíkingum yfir á 15. mínútu og Arnar Helgi Magnússon jafnaði fyrir Njarðvík á 58. mínútu.

Í öðrum nágrannaslag tók Afturelding á móti Fjölni. Axel Freyr Harðarsson skoraði eina mark leiksins á 5. mínútu og tryggði 0-1 Fjölnissigur.

Fjölnismenn jafna því Njarðvík að stigum í efsta sæti deildarinnar. Þetta eru þau tvö lið sem hafa stungið af í upphafi móts, bæði með 20 stig eftir 9 leiki.

Sjö stigum á undan Grindavík sem vann 3-1 gegn ÍBV í kvöld.