Skot­á­rás við heimili Drake

Rolling Stone greinir frá þessu.

Þá greinir CBC frá því að talið sé að árásin hafi farið þannig fram að bíl hafi verið keyrt fram hjá fórnarlambinu á meðan skotum var hleypt af.

Öryggisvörðurinn hafi verið skotinn í bringu og misst meðvitund og verið fluttur á sjúkrahús. Skotmaðurinn eða mennirnir hafi flúið af vettvangi.

Ekki er vitað um ástæðu skotárásarinnar, en athygli vekur að hún á sér stað í kjölfar mikilla erja Drake og annars rappara, Kendricks Lamar. Þeir hafa borið hvor annan þungum sökum í fjölmörgum lögum sem gefin hafa verið út á síðustu dögum. 

Kendrick hefur sakað Drake um barnagirnd og að halda úti eða taka þátt í skipulagningu umfangsmikils mansalshrings. Drake hefur sakað Kendrick um að beita unnustu sína heimilisofbeldi. Fjallað var um þessar erjur þeirra á Vísi í gær.