Elvar Már öflugur í enn einum sigrinum

Rytas er í harðri baráttu um deildarmeistaratitilinn þegar þrjár umferðir eru eftir af hefðbundinni deildarkeppni. Eftir það fara átta efstu lið deildarinnar í úrslitakeppni þar sem spilað verður til þrautar.

Rytas var alltaf með yfirhöndina í kvöld en slakaði helst til of mikið á síðasta fjórðung sem gestirnir unnu með tíu stigum en það kom ekki að sök, sigurinn var Rytas-manna.

Elvar Már var einn sex leikmanna Rytas sem skoruðu 10 stig eða meira. Njarðvíkingurinn gerði sér lítið fyrir og setti 15 stig, gaf 5 stoðsendingar og tók 3 fráköst. Enginn á vellinum gaf fleiri stoðsendingar.

Rytas hefur aðeins tapað einum af síðustu 8 leikjum sínum í deildinni og virðist liðið vera í fantaformi fyrir lokasprett deildarkeppninnar og komandi úrslitakeppni.bolti