Sara Rún, Jón Axel og Hilmar fóru með sigur af hólmi

Lokatölur í leiknum urðu 54-67 en Sara Rún spilaði tæplega stundarfjórðung í leiknum.

Eftir þennan sigur situr Faenza í 10. sæti deildarinnar en liðið er með þrjá sigra og níu töp í deildinni á þessu keppnistímabili.

Jón Axel Guðmunds­son var einnig í eldlínunni á Ítalíu í kvöld en hann skoraði sjö stig, gaf fjórar stoðsend­ing­ar og reif niður tvö frá­köst þegar lið hans, Pesaro, valtaði yfir Verona 94-40 í ítölsku A-deildinni

Pesaro hefur 14 stig eftir þennan sigur og situr í fimmta sæti deildarinnar en liðið er sex stigum á eftir Virt­us Bologna sem trónir á toppnum.

Hilm­ar Pét­urs­son sallaði niður 11 stigum, gaf auk þess tíu stoðsend­ing­ar og hirti fjögur fráköst fyrir Münster í 96-80 sigri liðsins gegn Brem­er­haven í þýsku B-deildini. Mün­ster komst með sigrinum upp að hlið Bremerhaven, Trier og Kirchheim en liðin eru í 11. - 14. sæti með 10 stig.

Krist­inn Páls­son og liðsfélagar hans Aris Leeuw­ar­den máttu þolua 83-74 tap á heima­velli þegar liðið mætti Lei­den í fyrri um­ferð átta liða úr­slita hol­lenska bik­ars­ins. Kristinn setti þrjú stig á töfluna.