Miðar á jóla­hlað­borð seldust upp á met­tíma

Hótel Geysir er fjölskyldufyrirtæki og var opnað í núverandi mynd þann fyrsta ágúst 2019 en hótelið er sannkallað lúxushótel og inniheldur veitingasali sem rúma 800 gesti. Barnabörn Sigurðar Greipssonar sem rak íþróttaskóla á svæðinu frá árinu 1927 til 1971 reistu hótelið. 

Miðar á jólahlaðborðið kosta 9.800 krónur en viðburðurinn verður haldinn þann 18. desember næstkomandi.

Dagskrá viðburðarins inniheldur þó meira en jólahlaðborð en hún hefst á barnaskemmtun og jólatrésölu ásamt fleiru. Jólahlaðborðið sjálft hefst svo síðar og verður sérstaklega hugsað til barna þar sem þau fá hlaðborð sem hæfir þeirr hæð. Frekari upplýsingar um viðburðinn má sjá hér.

Á Facebook síðu Geysis, þar sem miðasalan var auglýst, má sjá að miðar á hlaðborðið seldust upp á tveimur dögum í fyrra og því slær miðasala ársins því við.