Júlían hlaut brons á EM

Júlían lyfti samanlagt 1.105 kílóum í keppninni í dag sem var þriðji besti árangur mótsins. Hann lyfti 400 kílóum í hnébeygju, 315 kílóum í bekkpressu og 390 kílóum í réttstöðulyftu.

Enginn lyfti þyngra en Júlían í réttstöðulyftunni og hann því Evrópumeistari í greininni. Hann lyfti einnig 420 kílóum í hnébeygju en sú lyfta var dæmd ógild vegna tæknigalla.

Júlían reyndi einnig við 420,5 kíló, heimsmetsþyngd, í réttstöðulyftu en tókst ekki að lyfta því. Að lyfta þeirri þyngd hefði dugað Júlían til sigurs á mótinu.

Guðfinn­ur Snær Magnús­son keppti einnig í 120+ kg flokki á mótinu í dag en náði ekki gildri lyftu og féll úr keppni.