Lagði áherslu á mikilvægi þess að fátækar þjóðir verði bólusettar

„Bóluefni eru mikilvæg verkfæri í baráttunni við faraldurinn. Ég hvet alla heimsbyggðina til að sýna ábyrgð og leitast við að bregðast við töfum á dreifingu bóluefna og að greiða sérstaklega fyrri dreifingu þeirra meðal fátækustu þjóða,“ sagði Frans páfi.

Hátíðarmessu var streymt frá Dómkirkjunni klukkan ellefu í morgun. Agnes M. Sigurðardóttir, Biskup Íslands kom meðal annars inn á faraldur kórónuveirunnar í ávarpi sínu. Minnti hún á mikilvægi þolinmæðis og þrautsegju í baráttunni við faraldurinn.

„Nú hyllir undir að við séum að sleppa fyrir horn. Við þurfum að sýna þolinmæði og þrautseigju enn um sinn. Hugsa um hag heildarinnar um leið og við hugum að eigin sóttvörnum,“ sagði Agnes.