Íslenski boltinn

Fimm mörk skoruð er Valur hafði betur gegn Leikni

Anton Ingi Leifsson skrifar
Haukur Páll Sigurðsson skoraði tvö mörk í dag.
Haukur Páll Sigurðsson skoraði tvö mörk í dag. VÍSIR/HAG

Íslandsmeistarar Vals unnu 3-2 sigur á Leikni er liðin mættust í síðasta leik liðanna í A-riðli Reykjavíkurmótsins.

Haukur Páll Sigurðsson kom Val yfir á 41. mínútu og hann var aftur á ferðinni á 68. mínútu.

Það var svo vængmaðurinn Sigurður Egill Lárusson sem skoraði þriðja mark Valsmanna tíu mínútum fyrir leikslok.

Leiknismenn voru þó ekki hættir. Dagur Austmann Hilmarsson minnkaði muninn á 91. mínútu og mínútu síðar skoraði Sævar Atli Magnússon.

Nær komust Leiknismenn þó ekki og lokatölur 3-2. Valsmenn unnu A-riðilinn en Leiknismenn eru í þriðja sætinu með sex stig.

Valur Leiknir Reykjavík

Mest lesið


Fleiri fréttir

Sjá meira


×

Mest lesið