Guardiola: Eigum hrós skilið

Pep Guardiola var ánægður með frammistöðu sinna manna í Manchester City eftir 2-0 sigur á Shakthar Donetsk í Meistaradeild Evrópu í kvöld.

„Við eigum hrós skilið fyrir hvað við gerðum. Shakthar spilar mjög krefjandi leik, en við pressuðum þá frábærlega,“ sagði Guardiola eftir leikinn.

„Við áttum í vandræðum í fyrri hálfleik og náðum ekki nógu mörgum sendingum í röð en seinni hálfleikurinn var miklu, miklu betri.“

Kevin de Bruyne og Raheem Sterling skoruðu mörk City í leiknum, en Sergio Aguero misnotaði vítaspyrnu.

„Þeir spiluðu þröngt og það var lítið pláss á milli manna, en bakverðir okkar gátu stjórnað leiknum og bjuggu til tækifæri fyrir fjögur til fimm mörk í viðbót,“ sagði Pep Guardiola.