Leicester ósigrað og ekki enn fengið á sig mark

Englandsmeistarar Leicester City eru enn ósigraðir og ekki enn búnir að fá á sig mark í Meistaradeild Evrópu.

Í kvöld sóttu Leicester-menn FC Köbenhavn heim og fóru leikar 0-0.

Leicester er með 10 stig á toppi G-riðils, þremur stigum á undan Porto sem vann 1-0 sigur á Club Brugge á sama tíma.

FCK er í 3. sæti riðilsins með fimm stig en Club Brugge er án stiga á botninum.

Leicester fær Club Brugge í heimsókn í næstu umferð og með sigri tryggja Englandsmeistararnir sér sæti í 16-liða úrslitum.