Ráðist á stuðningsmenn Chelsea í Kænugarði

Stuðningsmenn Dynamo Kiev biðu ekki með opinn faðminn eftir stuðningsmönnum Chelsea.

Liðin mætast í Meistaradeildinni í kvöld og um miðnæturleytið í gær var ráðist á hóp af stuðningsmönnum Chelsea á knæpu í Kænugarði.

Ofbeldismennirnir réðust á hópinn án þess að þeim hafi verið ógnað. Þeir lömdu alla sem voru merktir Chelsea. Líka konur og eldri borgara.

Flestir lágu eftir blóðugir og sárir og að minnsta kosti einn leitaði sér aðstoðar á sjúkrahúsi.

Stuðningsmaður Chelsea sagði að árásin hefði klárlega verið skipulögð og beðið hefði verið eftir rétta tækifærinu.