Dortmund átti ekki möguleika | Sjáðu mörk Tevez

Carlos Tevez skoraði tvívegis er Juventus tryggði sér sæti í 8-liða úrslitum Meistaradeildar Evrópu með öruggum 3-0 sigri á Dortmund í Þýskalandi.

Juventus vann fyrri leikinn á heimavelli, 2-1, og því öruggan 5-1 samanlagðan sigur. Alvaro Morata skoraði einnig fyrir Ítalíumeistarana í kvöld en áðurnefndur Tevez lagði upp markið fyrir hann.

Juventus er eina ítalska liðið í 8-liða úrslitunum en eftir tap Dortmund í kvöld var ljóst að Bayern München var eina þýska liðið sem komst áfram. Dregið verður í fjórðungsúrslitin á föstudag.

Carlos Tevez kom Juventus yfir með frábæru marki snemma í leiknum: Carlos Tevez skoraði öðru sinni fyrir Juventus og innsiglaði 3-0 sigur: