Tvífari Kristófers Acox spilaði með Chelsea í gær

Einhverjum körfuboltaáhugamönnum brá eflaust í brún er þeir fylgdust með leik Chelsea og Sporting í gær. Þá þreytti tvífari Kristófer Acox frumraun sína með Chelsea.

Líkindin á milli körfuboltamannsins íslenska, Kristófer, og Chelsea-stráksins Ruben Loftus-Cheek eru með hreinum ólíkindum.

Þeir eru alveg nákvæmlega eins segja margir. Þeir eru líka á svipuðum aldri og afburðaíþróttamenn.

Hinn 18 ára gamli Loftus-Cheek spilaði síðustu sjö mínúturnar í Meistaradeildinni í gær.

„Ég gaf þér þetta tækifæri. Nú verður þú að gefa mér góða flösku af rauðvíni," sagði Jose Mourinho, stjóri Chelsea, léttur við strákinn á blaðamannafundi eftir leikinn. Strákurinn ætlar að sjálfsögðu að redda því.

Hann er einn fárra uppaldra Chelsea-stráka sem hafa fengið tækifæri með liðinu. Verður spennandi að fylgjast með honum í framtíðinni.