Rodgers gæti hvílt Gerrard í kvöld

Real Madrid og Liverpool eigast við í Meistaradeild Evrópu í kvöld en Brendan Rodgers, stóri Liverpool, er að íhuga að hvíla fyrirliðann Steven Gerrard.

Gerrard spilaði gegn Newcastle um helgina og Rodgers gæti kosið að hvíla hann í kvöld fyrir stórleikinn gegn Chelsea á laugardag.

„Ég verð að íhuga hver forgangsröðunin er bæði fyrir hann og okkur. Við höfum rætt um það en þetta eru þrír stórir leikir á átta dögum,“ sagði Rodgers á blaðamannafundi í gær.

Rodgers tók alla helstu leikmenn aðalliðsins með til Madrídar, líka þá sem hafa átt við meiðsli að stríða. Meðal þeirra er Daniel Sturridge og segir Rodgers að afar ólíklegt sé að hann muni spila í kvöld.

„Ég lít á svona leiki og vikur sem þessa sem frábært tækifæri fyrir leikmannahópinn. Ég kom með alla leikmenn í þennan mikilvæga leik en það er merki um að við séum með samheldinn hóp leikmanna.“

Rodgers sagði enn fremur að Real Madrid, sem vann leik liðanna á Anfield í síðasta mánuði, 3-0, væri líklega besta lið heims í dag. „Við hlökkum virkilega mikið til að kljást við stórleiki eins og þennan.“