Markalaust í Pétursborg

Zenit frá Pétursborg og Monaco skildu jöfn, markalaus, í C-riðli Meistaradeildar karla í Evrópu í dag.

Heimamenn voru sterkari aðilinn í leiknum og fengu nokkur góð tækifæri til að skora. Allt kom fyrir ekki og leit ekkert mark dagsins ljós.

Bæði lið eru með fjögur stig eftir tvær umferðir í riðlakeppninni, en Zenit vann Benfica á útivelli í fyrstu umferð á meðan Monaco vann heimasigur á Bayer Leverkusen.

Meistaradeildin heldur áfram klukkan 18.45 en þá fara fram sjö leikir. Upphitun fyrir þá hefst klukkan 18.00 á Stöð 2 Sport.