Wenger ver Welbeck

Hinn nýi framherji Arsenal, Danny Welbeck, fór illa með nokkur góð færi í leiknum gegn Dortmund í gær sem Arsenal tapaði, 2-0.

Stjóri liðsins, Arsene Wenger, neitaði þó að gagnrýna Welbeck sérstaklega.

„Welbeck var alltaf hættulegur en hann varð þreyttur í síðari hálfleik. Hann náði ekki að klára færin sín að þessu sinni en var mjög líflegur og stóð sig vel. Hann þarf að ná að skora eitt mark til að hrista af sér skrekkinn," sagði Wenger.

„Við vorum ekki að spila eins vel og við getum í þessum leik. Dortmund átti skilið að vinna."