Milan í úrslit meistaradeildar

Lokamínútur viðureignar PSV og AC Milan voru æsilegar og dramatískar, en AC Milan hefur tryggt sér farseðilinn í úrslitaleikinn við Liverpool. Það var Massimo Ambrosini sem minnkaði muninn fyrir AC Milan á lokamínútu venjulegs leiktíma, eftir sofandahátt í vörn heimamanna. Það var ekki til að minnka vonbrigði heimamanna að Philip Cocu skoraði þriðja mark heimamanna strax í kjölfarið þegar leikurinn var kominn í uppbótartíma, en lengra komust þeir ekki, því Milan kemst áfram á marki skoruðu á útivelli.