Gerrard meiddur

Steven Gerrard, fyrirliði Liverpool er meiddur á nára og talið er hugsanlegt að hann missi af síðari leiknum við Juventus í Meistaradeildinni í vikunni. Gerrard meiddist í leiknum við Manchester City um helgina og þurfti að fara beint í hendur lækna eftir leikinn. Þeir munu í dag úrskurða hvort Gerrard fær að leika hinn mikilvæga leik í vikunni, en hann var lykilmaðurinn í sigri Liverpool í fyrri leiknum. Það yrði Liverpool sannkallað áfall að þurfa að vera án fyrirliða síns í Torino og bíða stuðningsmenn félagsins milli vonar og ótta frá úrskurði læknanna í dag.