Mourinho verður víðs fjarri

Baltemar Brito, aðstoðarmaður Jose Mourinho hjá Chelsea, hefur staðfest að Mourinho verði hvergi nærri Stamford Bridge þegar Chelsea mætir Bayern Munchen í Meistaradeildinni annað kvöld. "Jose líður ágætlega núna, en hann er nokkuð súr út í stjórn Chelsea fyrir að styðja sig ekki með því að áfrýja banninu sem hann fékk á dögunum og ég get sagt ykkur að hann hefði ekki mætt á Stamford Bridge, þó hann hefði ekki verið í banni. Ég hef unnið með honum í nokkur ár og þekki hvernig hann hugsar. Þegar hann tekur við starfi leggur hann sig 100% fram og vill því fá 100% stuðning í staðinn.  Honum þykja forráðamenn Chelsea hafa brugðist sér í því sambandi og þess vegna er hann mjög ósáttur um þessar mundir," sagði sagði Brito.