Mourinho fagnaði

Jose Mourinho fagnaði sigri Chelsea á Barcelona í gær með meiri tilþrifum en þegar hann vann sjálfan úrslitaleikinn með Porto í fyrra.  Portúgalinn hljóp inn á völlinn með öllu starfsliði Chelsea og sagði sigurinn sérstakan fyrir sig. "Ég fagnaði ekki sérstaklega þegar ég varð Evrópumeistari með Porto, því þar var sigurinn tiltölulega öruggur 3-0.  Í gær var hinsvegar allt í járnum og því var sigurinn sérstaklega sætur.  Barcelona er besta lið heims að margra mati og því fagnaði ég sigrinum svo vel", sagði Mourinho kátur á blaðamannafundi.