Benites fær menn úr meiðslum

Lið Liverpool hefur verið meiðslum hrjáð á tímabilinu en fagnar því að lykilmenn liðsins verða leikfærir í síðari leikinn gegn Leverkusen í Meistaradeildinni. Þeir Jerzy Dudek, Dietmar Hamann og Harry Kewell hafa allir fengið grænt ljós frá læknum til að leika í Þýskalandi og liðið fær auk þess Steven Gerrard til baka úr leikbanni. Leikmennirnir áttu allir við smávægileg meiðsli að stríða eftir úrslitaleikinn í bikarnum um daginn, en hafa nú allir náð sér að mestu og eru það góð tíðindi fyrir Rafa Benitez knattspyrnustjóra, sem eflaust er búinn að fá nóg af meiðsladraugnum sem hefur elt liðið í vetur.